Գլխավոր Լուրեր Վառելափայտային «կրքեր»՝ նաև Լոռիում. խուլ դժգոհություններ են հասունանում. «Փաստ»

Վառելափայտային «կրքեր»՝ նաև Լոռիում. խուլ դժգոհություններ են հասունանում. «Փաստ»

5
0

«Փաստ» թերթը գրում է.

«Լոռու մարզում, հատկապես Ալավերդու տարածաշրջանի գյուղերում ևս խուլ դժգոհություններ են հասունանում՝ կապված ծառահատումների քրեականացման փաստի հետ։

Խնդիրը առավել ակտուալ է անտառներով հարուստ գյուղերում, որտեղ մարդկանց հիմնական ապրուստի միջոցը, ինչպես նաև ձմռան վառելիքի հարցի լուծման հիմնական տարբերակը մոտակա անտառից օգտվելն է։

Դեռևս մեծ բողոքի ակցիաների մասին խոսակցություններ չկան, սակայն «Փաստին» հասած տեղեկություններով, դժգոհությունները գնալով շատանում են։

Միևնույն ժամանակ մարզում բավական խիստ վերահսկողություն է սահմանված։ Ի դեպ, տեղից ստացվող տեղեկությունների համաձայն, վառելափայտի առևտրով զբաղվողները կամ լքել են գյուղերի տարածքները, կամ ուղղակի անտառում դեռևս չեն երեւում՝ խուսափելով իրավապահների հետ առճակատվելուց»:

Առավել մանրամասն՝ թերթի այսօրվա համարում