Հինգշաբթի , 20 Հունիս 2019

    outputra5huxgif
    °
    Home » editorial » Վատ է. «Մեղեդիի» սեփականատերը՝ սրճարաններն ապամոնտաժելու մասին

    Վատ է. «Մեղեդիի» սեփականատերը՝ սրճարաններն ապամոնտաժելու մասին

    Վատ է. «Մեղեդիի» սեփականատերը՝ սրճարաններն ապամոնտաժելու մասին
    Հունվար 11, 2019 17:34 editorial, Լուրեր, Հասարակություն A+ / A-

    Օպերայի հարակից տարածքը Երեւանի քաղաքապետարանը կազատի սրճարաններից Երեւանում կանաչ տարածքների վերականգնման եւ զարգացման գործընթացի համար: Սրճարաններից մեկը՝ «Մեղեդին», ՀՅԴ-ական նախկին պատգամավոր, գործարար Միքայել Մանուկյանինն է: Araratnews.am-ի հետ զրույցում Միքայել Մանուկյանը քաղաքապետարանի որոշումը վատ համարեց: «Ասում են՝ շահագրգռենք ներդրումները, մյուս կողմից էլ՝ կայացած բիզնեսները, երեւանցիների սիրված վայրերից մեկը ուզում են քանդել»,- ասաց սրճարանի սեփականատերը:

    Մեր դիտարկմանը, թե նպատակը Երեւանում կանաչ տարածքների վերականգնումն  ու զարգացումն է, Միքայել Մանուկյանն նկատեց. «Երեւանի քաղաքապետարանի բալանսում եղած կանաչ տարածքները պահո՞ւմ են, հետեւո՞ւմ են այնպես, ինչպես սեփականատերերն են մշակում դրանք: Եթե կարողանալու են՝ խնդրեմ»:

    «Իսկ ըստ Ձեզ՝ կկարողանա՞ն»,- հարցրինք նախկին պատգամավորին:

    «Կկարողանան, ինչու չէ»,- պատասխանեց  նա:

    Փաստորեն, Միքայել Մանուկյանին անհանգստացնում է, որ այս որոշումը լավ «մեսիջ» չէ միայն ներդրողներին: Ի պատասխան սրճարանի սեփականատերն ասաց, որ այլ խնդիրներ եւս կան, օրինակ՝ սրճարանի սեփականատերերի պայմանագրերի ժամկետը քաղաքապետարանի հետ:  «Մեղեդիի» պայմանագրի ժամկետը մինչեւ 2026 թվականն է: Ընկերությունը վարկեր ունի փակելու, ներդրումներ է արել: Ու հիմա՝ այսպիսի որոշում: Քաղաքային իշխանությունը պե՞տք է հաշվի առնի սա, թե՞ թքած ունեն մարդկանց  գործի վրա»,- մանրամասնեց բիզնեսմենը:

    Միքայել Մանուկյանը չբացառեց, որ գուցե սրճարանների սեփականատերերը դատի տան Երեւանի քաղաքապետարանին այս որոշման  համար:

    Սոնա Դավթյան


    scroll to top