Ուրբաթ , 22 Սեպտեմբեր 2017

  •  USD   Առք` 476.50   Վաճառք` 480.00   ՀՀ ԿԲ` 478.38   
  •  EUR   Առք` 570.00   Վաճառք` 578.00   ՀՀ ԿԲ` 573.43   
  •  CHF   Առք` 483.00   Վաճառք` 501.00   ՀՀ ԿԲ` 496.50   
  •  GBP   Առք` 636.00   Վաճառք` 654.00   ՀՀ ԿԲ` 645.77   
  •  RUB   Առք` 8.17   Վաճառք` 8.35   ՀՀ ԿԲ` 8.23   
  •  GEL   Առք` 184.00   Վաճառք` 203.00   ՀՀ ԿԲ` 193.28   
outputra5huxgif
Clear
22°
Home » Լուրեր » Վայոց ձորում հրդեհը, ըստ ցուցմունքի, բռնկվել է մեքենայի խլացուցիչից դուրս թռած կայծի հետևանքով

Վայոց ձորում հրդեհը, ըստ ցուցմունքի, բռնկվել է մեքենայի խլացուցիչից դուրս թռած կայծի հետևանքով

Օգոստոս 12, 2017 12:59 Լուրեր, Հասարակություն A+ / A-

9511

Վայոց ձորի Արտավան համայնքի գյուղացիներից մեկը հարցաքննության ժամանակ ասել է, որ գյուղի մերձակայքի խոտածածկ տարածքում հրդեհն առաջացել է ավտոմեքենայի խլացուցիչից դուրս թռած կայծի հետեւանքով:

ՔԿ Վայոց ձորի մարզային քննչական վարչությունում քննվող քրեական գործի շրջանակում ձեռնարկված միջոցառումների արդյունքում նախնական տվյալներ են ձեռք բերվել Վայոց ձորի մարզում՝ Արտավան գյուղում, հրդեհի բռնկման պատճառների վերաբերյալ, տեղեկացնում է Քննչական կոմիտեն։

Օգոստոսի 10-ին՝ ժամը 18:50-ին, ՀՀ ԱԻՆ ճգնաժամային կառավարման ազգային կենտրոնում ահազանգ է ստացվել, որ ՀՀ Վայոց ձորի մարզում՝ Արտավան գյուղի խոտածածկ տարածքներում, հրդեհ է բռնկվել, հետագա օրերին հրդեհը տարածվել է՝ ներառելով մի քանի հարյուր հեկտար տարածք, որի հրդեհաշիջման աշխատանքներին ներգրավվել են մի շարք ծառայություններ՝ Հայաստանի արտակարգ իրավիճակների նախարարության ղեկավարությամբ։

Դեպքի առիթով հարուցվել է քրեական գործ՝ ՀՀ քրեական օրենսգրքի 186-րդ հոդվածի 2-րդ մասով եւ 297-ի 1-ին մասով, որով նախաքննությունն իրականացվում է ՀՀ ՔԿ Վայոց ձորի մարզային քննչական վարչությունում։

Մշակվել է քննչական պլան, աշխատանքայի վարկածներ, եւ ձեռնարկվում են անհրաժեշտ քննչական եւ դատավարական այլ գործողություններ՝ հրդեհի առաջացման բոլոր հանգամանքները պարզելու ուղղությամբ։

Հարցաքննության ժամանակ գյուղացիներից մեկի հայտնած տվյալների համաձայն՝ հրդեհը բռնկվել է խոտածածկ տարածքում ավտոմեքենայի խլացուցիչից դուրս թռած կայծի հետեւանքով։ Մատնանշված հանգամանքներն ստուգվում են։ Նախաքննության արդյունքների մասին տեղեկույթ կտրամադրվի լրացուցիչ։

Ավելի վաղ տեղեկացրել էինք, որ օգոստոսի 10-ին Վայոց ձորի Արտավան համայնքի մերձակայքի խոտածածկ տարածքում հրդեհ է բռնկվել, որը երկու օր է` շարունակվում է: Խոտածածկ տարածքում անզգուշությամբ հրդեհ առաջացնելու կասկածանքով բերման է ենթարկվել Արտավանի 43-ամյա բնակիչը:

Նման թեմաներ

122488199673267500288781848048447njpg
scroll to top