Երկուշաբթի , 19 Օգոստոս 2019

    outputra5huxgif
    °
    Home » Լուրեր » Ո՛չ կեղծ տվյալներ կային, ո՛չ հարստանալու եւ թաքցնելու փաստ. Ալեն Սիմոնյան

    Ո՛չ կեղծ տվյալներ կային, ո՛չ հարստանալու եւ թաքցնելու փաստ. Ալեն Սիմոնյան

    Ո՛չ կեղծ տվյալներ կային, ո՛չ հարստանալու եւ թաքցնելու փաստ. Ալեն Սիմոնյան
    Հունիս 8, 2019 11:32 Լուրեր, Քաղաքական A+ / A-

    Օրեր առաջ Araratnews.amտեղեկացրել էր, որ բարձրաստիճան անձանց էթիկայի հանձնաժողովը վարույթ է հարուցել ԱԺ փոխնախագահ Ալեն Սիմոնյանի հայտարարագրած ունեցվածքի վերաբերյալ իրականացված հետաքննության  հիմքով:

    Հիշեցնենք՝ փաստերի ստուգման հարթակը ԱԺ փոխնախագահ Ալեն Սիմոնյանին մեղադրել էր իր հայտարարագրում կեղծ տվյալներ ներկայացնելու համար, սակայն Ալեն Սիմոնյանը հերքել էր այդ տեղեկությունը՝ համապատասխան փաստաթղթեր ներկայացնելով:

    Մեզ հայտնի դարձավ, որ օրեր առաջ բարձրաստիճան անձանց էթիկայի հանձնաժողովը նիստ էր գումարել:  Հանձնաժողովի անդամ Էդգար Շաթիրյանը Araratnews.am-ի հետ զրույցում ասաց, որ հանձնաժողովը գործի քննության արդյունքներով Ալեն Սիմոնյանի նկատմամբ կիրառել է ընդամենը նախազգուշացում՝ նախատեսված Վարչական իրավախախտումների վերաբերյալ ՀՀ օրենսգրքով:

    Էդգար Շաթիրյանի խոսքով՝ Ալեն Սիմոնյանին նախազգուշացում է տրվել՝ իր պաշտոնը ստանձնելու պահին հայտարարագրի լրացման պահանջները խախտմամբ ներկայացնելու համար:

    Մեր դիտարկմանը, թե Ալեն Սիմոնյանի հայտարարագրում կեղծ տվյալներ չկան, եւ  փաստերի ստուգման հարթակը հրապարակել է ապատեղեկատվություն, Էդգար Շաթիրյանն ասաց. «Վարույթը չէր հարուցվել կեղծ փաստերի հիմքով, հետևաբար, այդպիսի հարց չի էլ քննարկվել»:

    Araratnews.am-ը զանգահարեց նաև ԱԺ փոխնախագահ Ալեն Սիմոնյանին՝ պարզաբանում լսելու: «Շնորհակալ եմ էթիկայի հանձնաժողովին քննության համար: Ուրախ եմ, որ փաստեցին այն, ինչ ի սկզբանե ակնհայտ էր. ո՛չ կեղծ տվյալներ կային, ո՛չ էապես հարստանալու և թաքցնելու փաստ: Իսկ ոմանք պետք է ամաչեն և հրապարակավ ներողություն խնդրեն»,- պատասխանեց ԱԺ փոխնախագահը:

    Սոնա Դավթյան


    scroll to top