Գլխավոր Լուրեր Ուռենին, երբ կտրվեց, ես ոչ թե նեղվեցի, այլ իսկապես կատաղեցի․ Մեսչյան

Ուռենին, երբ կտրվեց, ես ոչ թե նեղվեցի, այլ իսկապես կատաղեցի․ Մեսչյան

15
0

Կոնկրետ այն ուռենին, որ դուրս էր գալիս Շահումյան հրապարակ, երբ կտրվեց, ես ոչ թե նեղվեցի, այլ իսկապես կատաղեցի։ Երևանի 2800-ամյակին նվիրված այգուն անդրադառնալով ասաց գլխավոր ճարտարապետ Արթուր Մեսչյանը։

«Ճիշտն ասեմ՝ ես շատ ցավեցի, որ Մյասնիկյանի արձանի հարևանությամբ գտնվող այգու ուռենիները կտրվեցին,- ասաց Մեսչյանը՝ հավելելով։ — Կոնկրետ այն ուռենին, որ դուրս էր գալիս Շահումյան հրապարակ, երբ կտրվեց, ես ոչ թե նեղվեցի, այլ իսկապես կատաղեցի, որովհետև ես սիրում էի այդ ծառը, և հենց ինքն այն ծառն էր, որի տակ դրված էր ջուր ծախող տղայի արձանը, և ինքը լրիվ կազմակերպված միջավայր էր»։

Ճիշտ է, արձանը դուրս մղվեց այգուց, բայց գլխավոր ճարտարապետը օրինաչափ է համարում այն, որ մի նոր բան անելիս մի բան պետք է քանդվի, մի բան կտրվի:

«Ամեն մեկն իր ճաշակն ունի, վերաբերմունքը՝ մեկին դուր է գալիս, մյուսին՝ չէ: Փաստը մնում է փաստ՝ տղերքը եկան, կառուցեցին, և ես՝ որպես ոչ թե գլխավոր ճարտարապետ, այլ երևանցի, շնորհակալ եմ, լավ գործ արեցին տղերքը: Իսկ ծառը կարելի էր պահպանել: Ես կպահպանեի, ի՛նչ ասեմ»,- եզրափակեց Մեսչյանը: