Հինգշաբթի , 21 Սեպտեմբեր 2017

  •  USD   Առք` 476.50   Վաճառք` 480.00   ՀՀ ԿԲ` 478.38   
  •  EUR   Առք` 570.00   Վաճառք` 578.00   ՀՀ ԿԲ` 573.43   
  •  CHF   Առք` 483.00   Վաճառք` 501.00   ՀՀ ԿԲ` 496.50   
  •  GBP   Առք` 636.00   Վաճառք` 654.00   ՀՀ ԿԲ` 645.77   
  •  RUB   Առք` 8.17   Վաճառք` 8.35   ՀՀ ԿԲ` 8.23   
  •  GEL   Առք` 184.00   Վաճառք` 203.00   ՀՀ ԿԲ` 193.28   
outputra5huxgif
Sunny
30°
Home » Լուրեր » Ուսումնասիրեք հյուսիսային երկրների փորձը, որ ձմեռն էլ շինարարություն լինի

Ուսումնասիրեք հյուսիսային երկրների փորձը, որ ձմեռն էլ շինարարություն լինի

Սեպտեմբեր 14, 2017 11:28 Լուրեր, Հասարակություն A+ / A-

karen15-472x265

ՀՀ Կառավարության այսօրվա հերթական նիստը, ավանդույթի համաձայն, մեկնարկեց վարչապետ Կարեն Կարապետյանի հանձնարարականներով: Կարապետյանն անդրադարձավ շինարարական աշխատանքների  ընթացքին: «ՏԻՄ-երը, հաշվի առնելով եղանակային պայմանները , որոշում են շինարարական աշխատանքների թույլտվության տրամադրման կամ մերժման հարցը: Արդյունքում հատկապես հանրային ծառայության ոլորտի  կազմակերպությունները, չնայած շինարարական աշխատանքները կատարելու անհրաժեշտությանը, ձմեռային պայմաններում զրկված են լինում աշխատանքները կատարելու հնարավորությունից, քանի որ վերջիններիս, որպես կանոն, չի տրամադրվում համապատասխան թույլտվություն»,- ասաց վարչապետը: Նրա խոսքով՝ ստեղծված իրավիճակը հիմնականում պայմանավորված է շինարարական աշխատանքների՝ ըստ եղանակային պայմանների ներկայացվող նորմատիվային պահանջների եւ հստակ պայմանների բացակայությամբ, ինչպես նաեւ համապատասխան թույլտվության տրամադրման լայն հայեցողական լիազորությամբ:

Ելնելով վերոգրյալից` Կարապետյանը քաղաքաշինության պետական կոմիտեի նախագահին հանձնարարեց 40 օրվա ընթացքում մշակել եւ հաստատել շինարարական աշխատանքները ըստ եղանակային պայմանների կազմակերպելու, դրանց ներկայացվող պահանջների ապահովման վերաբերյալ իրավական ակտի  նախագիծ: «Տարածքային կառավարման եւ զարգացման նախարարին` ուսումնասիրել եւ ներկայացնել իրավական ակտ` ՏԻՄ-երի կողմից թույլտվությունների ներկայացման հայեցողական լիազորությունների սահմանափակման եւ գործնականում բացառապես եղանակային պայմաններից ելնելով մերժման դեպքերը բացառելու նպատակով»,- հանձնարարականը շարունակեց Կ. Կարապետյանը:

Վարչապետն ասաց, թե իրենք վերջերս հանդիպել են ենթակառուցվածքների ղեկավարների հետ, ովքեր հայտնել են, թե ձմեռը թույլտվություն չի տրամադրվում, եւ բիզնես դուինգի  ցուցանիշները նվազում են: Կարապետյանի խոսքով՝ կա ստերեոտիպ, որ  ձմռանը չի կարելի շինարարություն անել: Նա նշեց, թե պետք է ուսումնասիրել հյուսիսային երկրների փորձը եւ շինարարության տեմպը ավելացնել:

122488199673267500288781848048447njpg
scroll to top