Կիրակի , 18 Օգոստոս 2019

    outputra5huxgif
    °
    Home » ժամանց » Ոչ մի զուգարանի թուղթ, դարչին ցանել միայնակների վրա. տարօրինակ սովորություններ

    Ոչ մի զուգարանի թուղթ, դարչին ցանել միայնակների վրա. տարօրինակ սովորություններ

    Ոչ մի զուգարանի թուղթ, դարչին ցանել միայնակների վրա. տարօրինակ սովորություններ
    Հուլիս 22, 2019 16:01 ժամանց, Լուրեր, Միջազգային A+ / A-

    Մենք բոլորս երբեմն մշակութային շոկ ենք ապրում: Օրինակ՝ Եգիպտոսում ճանապարհորդելիս ձեզ կարող է անսովոր  թվալ, որ հարսանիքից առաջ հարսի ընկերուհիները սովորություն ունեն կսմթել նրան ի նշան հաջողության:  Եվ այսպես, ձեզ ենք ներկայացնում տարբեր երկրների զարմանահրաշ սովորույթներ:

    Ոչ մի զուգարանի  թուղթ, Հնդկաստան

    Բազմաթիվ ճանապարհորդներ կզարմանան՝ պարզելով, որ հնդկական զուգարաններում հաճախ զուգարանի  թուղթ չի  լինում: Համանման կարիքների համար օգտագործվում է զուգարանակոնքի կողքին դրված  ջրով փոքրիկ դույլը: Զուգարանի թղթի օգտագործումը համարվում է վատ գաղափար, քանի  որ կարող է խողովակները խցանել և ավելրդ ծախսերի պատճառ լինել:

    15-tradiczij-raznyh-stran-kotorye-ostavlyayut-ves-mir-v-nedoumenii-1-600x345

    Տաբու դեղին վարդերի վրա, Մեքսիկա

    Վարդերը  բոլոր երկրներում հույզերն արտահայտելու լավագույն միջոցն են: Սակայն որոշ  երկրներում առանձնակի նշանակություն են տալիս դրանց գույնին: Մեքսիկայում ավելի  լավ է նախապատվությունը տալ դասական ալ կարմիր գույնին, այլ ոչ դեղինին, որ այստեղ կապում են մահվան հետ:

    15-tradiczij-raznyh-stran-kotorye-ostavlyayut-ves-mir-v-nedoumenii-3-600x400

    Հարսանիքից առաջ ափսեներ կոտրել, Գերմանիա

    Գերմանական հարսանիքից մի  քանի շաբաթ առաջ անցկացվում է մի  ծես, որը հայտնի է որպես Պոլտերաբենդ: Զույգի հյուրերը իրենց հետ բերում են ամանեղեն, որը կոտրում են հարսնացուի ու փեսացուի  տանը: Դրանից հետո զույգը պետք է կարգի բերի, որը, ինչպես համարվում է, հաջողություն է բերում և նպաստում առաջիկա ամուսնությունում ներդաշնակ աշխատանքին:

    15-tradiczij-raznyh-stran-kotorye-ostavlyayut-ves-mir-v-nedoumenii-12

    Դարչին ցանել միայնակների վրա, Դանիա

    16-րդ դարի  հին դանիական ավանդույթը նկատվում է  նաև այսօր: Եթե մարդը իր ծննդյան օրը մնում է մենակ, ընկերները նրա վրա դարչին են ցանում: Սա վերապրուկն է համեմունքների դանիացի առևտրականների, որոնք հաճախ մայրցամաք ճանապարհորդությունների պատճառով ամուսնության ժամանակ չունեին:

    15-tradiczij-raznyh-stran-kotorye-ostavlyayut-ves-mir-v-nedoumenii-4-600x359

    Գավաթները չեն չխկացնում, Հունգարիա

    Իսկ, այ, Հունգարիա այցելելիս արժի նախօրոք իմանալ, որ այնտեղ բարերում ընդունված չէ բաժակներն իրար զարկել: Այս սովորույթը սկիզբ է առնում 1848 թ.,  երբ ավստրիացիները ջախջախեցին հունգար հեղափոխականներին և այդ իրադարձությունը նշեցին՝ գավաթները չխկացնելով: Ի հետևանք՝ հունգարները որոշեցին բոյկոտել այս սովորույթը:

    15-tradiczij-raznyh-stran-kotorye-ostavlyayut-ves-mir-v-nedoumenii-6-600x840

    Զվարճալի գլխարկներ չամուսնացածների  համար, Ֆրանսիա

    Ֆրանսիայում նոյեմբերի 25-ին նշվում է Սուրբ Եկատերինայի տոնը, որը  համարվում է չամուսնացած կանանց երիտասարդ հովանավորը: Այդ օրը 25 տարեկան դարձած կանայք դնում են դեղին ու կանաչ գլխարկներ, որը խորհրդանշում է իմաստություն և հավատ: Այն դեպքում, երբ Սուրբ Եկատերինայի որոշ երկրպագուներ այդ տոնը նշում են շուտով ամուսնանալու հույսով, մյուս կանայք հպարտությամբ ընդգծում են իրենց անկախ  կարգավիճակը:

    15-tradiczij-raznyh-stran-kotorye-ostavlyayut-ves-mir-v-nedoumenii-13

    Հարսանիքից առաջ լաց լինել, Չինաստան

    Այն դեպքում, երբ մյուս մշակույթներում հարսանիքը զուգորդվում է ուրախության և ժպիտների հետ, Չինաստանում հարսնացուն մինչև հարսանյաց արարողությունը մեկ ամիս անցկացնում է արցունքների մեջ: Նրա լացին միանում են նաև  մայրը և ընտանիքի մյուս անդամները՝ աղջկա ապագա ամուսնությունից ուրախություն արտահայտելու համար:

    Չօգտագործել ձախ ձեռքը, Մերձավոր Արևելք

    Մերձավոր Արևելքի մի շարք երկրներում ձախ ձեռքով ինչ-որ մեկին ողջունելը կամ ուտելը համարվում է կոպիտ և հակասանիտարական: Ձախ ձեռքն օգտագործում են զուգարանից հետո լվացվելու համար, այն ընկալվում է որպես կեղտոտ և երբեք չի օգտագործվում սեղանի շուրջը կամ ողջունելու համար: 15-tradiczij-raznyh-stran-kotorye-ostavlyayut-ves-mir-v-nedoumenii-9-600x400

     

     

     


    Նման թեմաներ

    scroll to top