Երկուշաբթի , 21 Օգոստոս 2017

  •  USD   Առք` 476.50   Վաճառք` 480.00   ՀՀ ԿԲ` 478.57   
  •  EUR   Առք` 553.00   Վաճառք` 567.00   ՀՀ ԿԲ` 561.79   
  •  CHF   Առք` 484.00   Վաճառք` 501.00   ՀՀ ԿԲ` 497.63   
  •  GBP   Առք` 604.00   Վաճառք` 623.00   ՀՀ ԿԲ` 616.73   
  •  RUB   Առք` 7.95   Վաճառք` 8.17   ՀՀ ԿԲ` 8.05   
  •  GEL   Առք` 192.00   Վաճառք` 205.00   ՀՀ ԿԲ` 200.24   
outputra5huxgif
Clear
22°
Home » Լուրեր » Ոչ վարակիչ հիվանդությունների կանխարգելումն ու հսկողությունը Հայաստանում

Ոչ վարակիչ հիվանդությունների կանխարգելումն ու հսկողությունը Հայաստանում

Մարտ 20, 2017 13:37 Լուրեր, Հասարակություն A+ / A-

aroxch_nax_copy.thumb

Մեկնարկեց ՀՀ առողջապահության նախարարության և Առողջապահության համաշխարհային կազմակերպության համատեղ կազմակերպած «Ոչ վարակիչ հիվանդությունների (ՈՎՀ) կանխարգելումն ու հսկողությունը Հայաստանում» խորագրով կլոր սեղան-քննարկումը, որին մասնակցում են հասարակական և միջազգային կազմակերպությունների ներկայացուցիչներ, փորձագետներ:

ՀՀ առողջապահության նախարարի տեղակալ Սերգեյ Խաչատրյանը, ողջունելով հյուրերին, ներկայացրեց ոչ վարակիչ հիվանդությունների կանխարգելմանն ու հսկողությանն ուղղված քայլերը:

Սերգեյ Խաչատրյանը նշեց, որ ոչ վարակիչ հիվանդությունների կանխարգելման ու հսկողության տեսանկյունից Հայաստանն ունի նկատելի լավ ցուցանիշներ, միևնույն ժամանակ՝ եվրոպական երկրների ցուցանիշներին հասնելու ճանապարհին բավական շատ են անելիքները:

«Մենք նոր մոտեցումներ ու ծրագրեր պետք է սահմանենք՝ առավելագույն արդյունքների հասնելու համար»,- ընդգծեց առողջապահության նախարարի տեղակալը:

Զեկույցով հանդես եկավ, ՈՎՀ և կյանքի ողջ ընթացքում առողջության ամրապնդման բաժնի տնօրեն, ԱՀԿ ԵՏԳ Գաուդեն Գալեան: Նա կարևորեց այս ոլորտում Հայաստանի հետ համագործակցությունը, նշեց, որ բավականին առաջընթաց կա:

Իր բացման խոսքում ԱՀԿ ներկայացուցիչ Եգոր Զայցևը նշեց. «Սերտ միջոլորտային համագործակցությունը ՈՎՀ հսկողության ոլորտում շոշափելի արդյունքերի հասնելու լավագույն գրավականն է: Օրինակ, եթե ցանկանում ենք հաղթահարել Հայաստանում այնպիսի կարևոր ՈՎՀ ռիսկի գործոն, ինչպիսին է ծխախոտի օգտագործումը, բացի առողջապահության նախարարությունից պետք է սերտորեն աշխատենք նաև այլ կառավարական մարմինների, այդ թվում էկոնոմիկայի, ֆինանսների, կրթության նախարարությունների, ինչպես նաև քաղաքացիական հասարակության հետ»:

Միջազգային փորձագետները մասնակիցների ուշադրությանը ներկայացրեցին երկու ուղղորդող փաստաթուղթ` «ՈՎՀ ելքերի բարելավում. Հայաստանի առողջապահության համակարգի մարտահրավերները և հնարավորությունները» զեկույցը և ԱՀԿ-ի կողից մշակված համաճարակաբանական հսկողության աստիճանական մոտեցման մեթոդաբանությամբ (STEPS) 2016 թվականին Հայաստանում իրականացված հետազոտության նախնական արդյունքները, որոնց նպատակն է նպաստել Հայաստանում գերակա միջոցառումների իրականացմանը:

Կլոր սեղանի շրջանակներում միջազգային փորձագետների կողմից կանցկացվեն նաև աշխատաժողովներ, որոնց նպատակն է օժանդակել մեկնարկող փաստաթղթում ներկայացված հիմնական միջոցառումների իրականացմանը և գնահատել երկրի առաջընթացը «Առողջություն 2020թ.» եվրոպական առողջապահական քաղաքականության, «ՈՎՀ մշտադիտարկման գլոբալ ծրագիր. 2025թ.» և «Կայուն զարգացման նպատակներ. 2030թ.» քաղաքականություններում սահմանված նպատակների իրականացման ուղղությամբ:

Նման թեմաներ

122488199673267500288781848048447njpg
scroll to top