Կիրակի , 19 Նոյեմբեր 2017

  •  USD   Առք` 482.00   Վաճառք` 487.00   ՀՀ ԿԲ` 486.78   
  •  EUR   Առք` 562.00   Վաճառք` 577.00   ՀՀ ԿԲ` 574.01   
  •  CHF   Առք` 478.00   Վաճառք` 492.00   ՀՀ ԿԲ` 490.85   
  •  GBP   Առք` 627.00   Վաճառք` 647.00   ՀՀ ԿԲ` 644.89   
  •  RUB   Առք` 8.00   Վաճառք` 8.23   ՀՀ ԿԲ` 8.17   
  •  GEL   Առք` 169.00   Վաճառք` 189.00   ՀՀ ԿԲ` 178.88   
outputra5huxgif
Mostly Cloudy
11°
Home » editorial » Որ դեպքում ադրբեջանական դրոշը կծածանվի Ստեփանակերտում. հայկական կողմի պայմանը

Որ դեպքում ադրբեջանական դրոշը կծածանվի Ստեփանակերտում. հայկական կողմի պայմանը

Մարտ 20, 2017 15:02 editorial, Արցախ, Լուրեր A+ / A-

collage

Ադրբեջանի դրոշը կարող է  ծածանվել Ստեփանակերտում միայն մի դեպքում, եթե այդ երկիրը ճանաչի Արցախի Հանրապետության անկախությունը: Այս մասին Araratnews.am-ի հետ զրույցում ասաց Արցախի Հանրապետության նախագահի աշխատակազմի ղեկավարի տեղակալ Դավիթ Բաբայանը՝ հակադարձելով Ադրբեջանի նախագահ Իլհամ Ալիեւի հայտարարությանը, որ ադրբեջանական դրոշը ծածանվում է  Լելե Թեփեում, այն կծածանվի նաև Շուշիում և Խանքենդիում (Ստեփանակերտ):

«Մենք Ալիեւին ասել ենք, որ ադրբեջանական դրոշը կարող է ծածանվել Արցախում, բայց Ադրբեջանի դեսպանատան վրա, որի շենքը մենք կտրամադրենք, լինի դա Ստեփանակերտում, Շուշիում թե այլ տեղ՝ կախված է բանակցություններից»,- նշեց Դավիթ Բաբայանը՝ հավելելով, որ դա կարող է տեղի ունենալ միայն այն դեպքում, երբ Ադրբեջանը ճանաչի Արցախի Հանրապետության անկախությունը:

Մեր դիտարկմանը, որ Ալիեւը, ըստ էության, սպառնում է հայկական կողմին՝ հիշեցնելով 2016 թվականի ապրիլի դեպքերը եւ ընդգծելով, որ «ցանկացած գնով կվերականգնեն իրենց տարածքային ամբողջականությունը», Բաբայանը պատասխանեց՝ եթե նորից պատերազմ լինի, ապա Ադրբեջանի դրոշը երբեք Արցախում չի ծածանվի:

«Ադրբեջանի դրոշը բազմաթիվ այլ դրոշների հետ, այդ թվում՝ բանակի, երբ Ստեփանակերտում հաղթական շքերթ կազմակերպենք, կգցենք գետնին՝ մեր ոտքերի տակ: Սա ավելի ռեալ սցենար է»,- եզրափակեց Արցախի Հանրապետության նախագահի աշխատակազմի ղեկավարի տեղակալը:

122488199673267500288781848048447njpg
scroll to top