Գլխավոր Լուրեր Ոստիկանությունը բացահայտել է Աղավնատուն գյուղում կատարված գողությունը

Ոստիկանությունը բացահայտել է Աղավնատուն գյուղում կատարված գողությունը

5
0

Ոստիկանության Վաղարշապատի բաժնում 2018 թ. սեպտեմբերի 13-ին  հաղորդում էր ստացվել, որ Աղավնատուն գյուղի մի տնից սառնարան են գողացել:

Տարաբնույթ միջոցառումներից հետո քրեական հետախույզները պարզել են, որ նշված գողությունը հնարավոր է կատարած լինի նույն գյուղի բնակիչ Հովհաննես Ս-ն:

Փետրվարի 7-ին, ժամը 17.30-ի սահմաններում, Հովհաննես Ս-ն գյուղից բերման է ենթարկվել ոստիկանության Վաղարշապատի բաժին և տվել խոստովանական ցուցմունք:

Ձեռնարկվում են միջոցառումներ գողոնը հայտնաբերելու ուղղությամբ: Քննությունը շարունակվում է:

Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: