Հինգշաբթի , 14 Դեկտեմբեր 2017

  •  USD   Առք` 481.00   Վաճառք` 484.50   ՀՀ ԿԲ` 483.55   
  •  EUR   Առք` 567.00   Վաճառք` 575.00   ՀՀ ԿԲ` 568.22   
  •  CHF   Առք` 479.00   Վաճառք` 492.00   ՀՀ ԿԲ` 487.70   
  •  GBP   Առք` 638.00   Վաճառք` 656.00   ՀՀ ԿԲ` 645.35   
  •  RUB   Առք` 8.16   Վաճառք` 8.33   ՀՀ ԿԲ` 8.18   
  •  GEL   Առք` 175.00   Վաճառք` 195.00   ՀՀ ԿԲ` 186.34   
outputra5huxgif
Sunny
Home » Լուրեր » Ով ստիպել է՝ թող տեր կանգնի. գյուղնախարարի ուշագրավ հայտարարությունը (տեսանյութ)

Ով ստիպել է՝ թող տեր կանգնի. գյուղնախարարի ուշագրավ հայտարարությունը (տեսանյութ)

Ապրիլ 20, 2017 13:37 Լուրեր, Տեսանյութ, Տնտեսական A+ / A-

ՀՀ գյուղատնտեսության նախարար Իգնատի Առաքելյանն այսօր բավականին ուշագրավ հայտարարություններով հանդես եկավ՝ կապված  «Վինար» ընկերության հետ: Նշենք, որ կառավարության շենքի դիմաց այսօր բողոքի ակցիա էին անցկացնում Արարատի մարզի Քաղցրաշեն համայնքի բնակիչները՝ պահանջելով գործադիր իշխանությունից եւ, մասնավորապես, գյուղատնտեսության նախարարությունից ձեռնարկել քայլեր, որոնք կստիպեն ընկերությանը վճարել իրենց մթերած խաղողի պարտքը:

Կառավարության նիստից հետո  նախարար Իգնատի Առաքելյանը  լրագրողների հետ զրույցում, անդրադառնալով քաղցրաշենցիների խնդրին, նշեց, որ տեղյակ է, որ այսօր կրկին քաղցրաշենցիները բողոքի ակցիա են անում եւ պահանջում իրենց գումարը: Նրա խոսքով՝ վարչապետի, իրավապահ մարմինների հետ քննարկումներ են անցկացվում լուծում գտնելու համար: Նախարարը նշեց, որ «Վինարի» հետ կապված ամեն ինչ անօրինական է, ու այս իրավիճակից ելք չկա:

«Այդ գործարքի մեջ ամեն ինչն էլ անօրինական է, «Վինարը» լիցենզիա չունի, սպիրտ չունի, դրա համար էլ գործը տվել ենք իրավապահ մարմիններին»,- նշեց նախարարը:

Հարցին՝ չի՞ կարծում, որ ստեղծված իրավիճակը հետեւանք է նրա, որ ժամանակին կառավարությունը ստիպեց խաղողագործներին, ասելով՝ «դիմե՛ք, մենք տեր ենք», Իգնատի Առաքելյանը պատասխանեց. «Ով ստիպել է՝ թող տեր կանգնի»։

Իգնատի Առաքելյանը նաեւ ուշագրավ հայտարարություններով հանդես եկավ:

Մանրամասները՝ տեսանյութում:

scroll to top