Գլխավոր Լուրեր Խնդրում եմ՝ Արամ Սիմոնյանը վերջ տա այս գործելաոճին և ավելորդ աժիոտաժ չստեղծի

Խնդրում եմ՝ Արամ Սիմոնյանը վերջ տա այս գործելաոճին և ավելորդ աժիոտաժ չստեղծի

1
0

ՀՀ կրթության և գիտության նախարար Արայիկ Հարությունյանը կեղծիք որակեց ԵՊՀ նախկին ռեկտոր Արամ Սիմոնյանի այն հայտարարությանը, որ ԵՊՀ 100-ամյակի առթիվ ոչ մեկն իրեն չի շնորհավորել:

«Ես ինքս շնորհավորել եմ մայիսի 16-ին՝ ԵՊՀ հիմնադրման որոշման կապակցությամբ, որ ընդունվել է 100 տարի առաջ: Արամ Սիմոնյանը և ԵՊՀ ամբողջ ղեկավարությունը շատ լավ գիտի, քանի որ իրենք են այդ որոշումները կայացրել, որ տոնակատարությունների մեծ և հիմնական մասը լինելու է աշնանը, և հյուրեր են գալու, և միջոցառումների մեծ մասն է լինելու, այսինքն՝ ուղերձները, շնորհավորանքները, մասնակցությունները լինելու են աշնանը»,- պարզաբանեց նախարարը:

Արայիկ Հարությունյանը խորհուրդ տվեց Սիմոնյանին դադարեցնի այս գործելաոճը․ «Ես նորից խնդրում եմ, որպեսզի նա վերջ տա այս գործելաոճին և արժանապատիվ հեռանա ու լրատվամիջոցներում ավելորդ աժիոտաժ չստեղծի»։