Չորեքշաբթի , 25 Ապրիլ 2018

    outputra5huxgif
    Sunny
    20°
    Home » Լուրեր » Խոշոր ավտովթար Սյունիքի մարզում. կողաշրջված Akura ավտոմեքենայում հայտնաբերվել են հրազեններ

    Խոշոր ավտովթար Սյունիքի մարզում. կողաշրջված Akura ավտոմեքենայում հայտնաբերվել են հրազեններ

    Մարտ 20, 2017 16:16 Լուրեր, Հասարակություն A+ / A-

    f2fc9f43e18fe6344602cb042fd77a1f

    Երեկ՝ մարտի 19-ին, խոշոր ավտովթար է տեղի ունեցել Սյունիքի մարզում։ Ժամը 16։30-ի սահմաններում Երևան քաղաքի Աբելյան փողոցի բնակիչ, 46-ամյա Անդրանիկ Բաղիյանը Երևան-Մեղրի ավտոճանապարհի 227-րդ կմ հատվածում իր վարած Akura մակնիշի 22 ԼՍ 072 համարանիշի ավտոմեքենայով դեպի Գորիս ընթանալիս դուրս է եկել ճանապարհի երթևեկելի գոտուց, մի քանի պտույտ շրջվելով՝ կողաշրջված վիճակում հայտնվել դաշտում։

    Ինչպես դեպքի վայրից հայտնում է ֆոտոլրագրող Գագիկ Շամշյանը, վթարի հետևանքով Ա. Բաղիյանն ու նրա ուղևոր՝ Երևան քաղաքի Շինարարների փողոցի բնակիչ, 59-ամյա Հայկ Աբրահամյանը մարմնական վնասվածքներով տեղափոխվել են Գորիսի բժշկական կենտրոն։

    Դեպքի վայր են ժամանել Ճանապարհային ոստիկանության 2-րդ սպայական գումարտակի 6-րդ վաշտի 2-րդ դասակի աշխատակիցները՝ վաշտի հրամանատար Անդրանիկ Շաղոյանի գլխավորությամբ։ Ժամանել են նաև Արտակարգ իրավիճակների նախարարության Փրկարար ծառայության Գորիսի հրշեջ-փրկարարական ջոկատը՝ 1 մարտական հաշվարկով։

    Ինչպես հայտնում է Shamshyan.com-ը, ավտոմեքենայի մեջ ճանապարհային ոստիկաններն ու Գորիսի ոստիկանները՝ Գորիսի ոստիկանապետ Գևորգ Ազիզյանի գլխավորությամբ հայտնաբերել են 12 ՏՉ մեկփողանի ողորկափող որսորդական հրացան և «Տոզ 17» տիպի 5.6 մմ ՏՉ ակոսավոր հրացան։ Իսկ դեպքի վայրում հավաքվածներն ասում էին, որ վիրավորներին հիվանդանոց է ուղեկցել Գորիսի ոստիկանապետը։
    Շարունակությունը՝ սկզբնաղբյուր կայքում

    Նման թեմաներ

    scroll to top