Կիրակի , 19 Նոյեմբեր 2017

  •  USD   Առք` 482.00   Վաճառք` 487.00   ՀՀ ԿԲ` 486.78   
  •  EUR   Առք` 562.00   Վաճառք` 577.00   ՀՀ ԿԲ` 574.01   
  •  CHF   Առք` 478.00   Վաճառք` 492.00   ՀՀ ԿԲ` 490.85   
  •  GBP   Առք` 627.00   Վաճառք` 647.00   ՀՀ ԿԲ` 644.89   
  •  RUB   Առք` 8.00   Վաճառք` 8.23   ՀՀ ԿԲ` 8.17   
  •  GEL   Առք` 169.00   Վաճառք` 189.00   ՀՀ ԿԲ` 178.88   
outputra5huxgif
Mostly Cloudy
11°
Home » Լուրեր » «Խոստումը» ֆիլմի դերասանները CBS-ի եթերում դատապարտել են Թուրքիայի դիրքորոշումը (տեսանյութ)

«Խոստումը» ֆիլմի դերասանները CBS-ի եթերում դատապարտել են Թուրքիայի դիրքորոշումը (տեսանյութ)

Ապրիլ 21, 2017 10:22 Լուրեր, Կինո, Հասարակություն, Միջազգային, Տեսանյութ A+ / A-

Безымянный

Ամերիկահայ բարերար Քըրք Քըրքորյանի հովանավորությամբ նկարահանված Հայոց ցեղասպանության մասին պատմող «Խոստումը» ֆիլմի գլխավոր դերասաններ Քրիստիան Բեյլը և Օսկար Այզեքը հյուրընկալվել են ամերիկյան CBS հեռուստաընկերությունում և եթերում ներկայացրել ֆիլմի պատմությունը, ինչպես նաև դատապարտել Թուրքիայի կառավարության ժխտողական դիրքորոշումը:

«Այս պատմության մասին չի խոսվել, քանի որ Թուրքիայի շահերը  նորից ու նորից մշտապես ճնշել են: Մարդիկ բազմիցս փորձել են բարձրաձայնել այս թեման, այդ թվում նաև՝ Քըրք Քըրքորյանը, ով Metro Golden Mayer ստուդիայի ղեկավարն էր: Թուրքիան շատ հզոր է: Ի վերջո, Քըրքը հասցրեց դա անել, սակայն, ցավոք, հեռացավ կյանքից: Դժբախտաբար, նա մահացավ նախքան ֆիլմի նկարահանման աշխատանքները սկսվելը: Այդ է նաև պատճառը, որ Թուրքիայի մեծ հզորության պատճառով ԱՄՆ-ի նախագահներից ոչ ոք չի արտասանել «ցեղասպանություն» բառը»,- պատմելով ֆիլմի մասին այս մասին նշել է Քրիստիան Բեյլը:

«Հուսով եմ՝ ֆիլմը հզոր ուղերձ կլինի հասարակությանը: Ցավալի, որ այն, ինչ տեղի է ունեցել 1915-ին, կարծես թե կրկնվում է այսօր աշխարհի տարբեր կետերում»,- ասել է Օսկար Այզեքը:

Ֆիլմի ռեժիսորն օսկարակիր Թերի Ջորջն է, ով ընտրել է տաղանդավոր և իրենց գործում հմուտ դերասաններ, ինչպիսիք են՝ Քրիստիան Բեյլը, Օսկար Այզեքը, Շառլոտա Լե Բոնը, Անժելա Սարաֆյանը, Ջեյմս Քրոմվելը և ուրիշներ. ֆիլմի սաունդթրեքը գրել է աշխարհահռչակ հայ երաժիշտ Սերժ Թանկյանը։

Նշենք, որ այսօր՝ ապրիլի 21-ին, տեղի կունենա «Խոստումը» ֆիլմի համաշխարհային պրեմիերան:

122488199673267500288781848048447njpg
scroll to top