Երեքշաբթի , 12 Դեկտեմբեր 2017

  •  USD   Առք` 481.50   Վաճառք` 485.50   ՀՀ ԿԲ` 484.11   
  •  EUR   Առք` 564.00   Վաճառք` 572.00   ՀՀ ԿԲ` 570.43   
  •  CHF   Առք` 478.00   Վաճառք` 491.00   ՀՀ ԿԲ` 489.30   
  •  GBP   Առք` 634.00   Վաճառք` 653.00   ՀՀ ԿԲ` 646.00   
  •  RUB   Առք` 8.12   Վաճառք` 8.31   ՀՀ ԿԲ` 8.23   
  •  GEL   Առք` 169.00   Վաճառք` 189.00   ՀՀ ԿԲ` 184.77   
outputra5huxgif
Clear
Home » Լուրեր » ԵՊՀ-ին թմրամիջոցնե՞ր, թե՞ քիմիական նյութեր են անհրաժեշտ

ԵՊՀ-ին թմրամիջոցնե՞ր, թե՞ քիմիական նյութեր են անհրաժեշտ

Սեպտեմբեր 13, 2017 17:34 Լուրեր, Հասարակություն A+ / A-

թմրամիջոց

Ararartnews.am-ն արդեն տեղեկացրել է, որ կառավարությունը հավանություն է տվել Երեւանի պետական համալսարանին տրամադրել թմրամիջոցների, հոգեմետ նյութերի և դրանց պրեկուրսորների ներմուծման գործունեության իրականացման լիցենզիա` երեք տարի գործողության ժամկետով: Իսկ թե ինչու է ԵՊՀ-ն ցանկանում ներմուծել դրանք, պարզեցինք ԵՊՀ հասարակայնության հետ կապերի և լրատվության վարչությունից:

Ըստ պարզաբանման՝ ԵՊՀ ֆարմացիայի ինստիտուտի նոր ստացված բարձրարդյունավետ հեղուկային քրոմատոգրաֆով գիտահետազոտական և ուսումնական աշխատանքներ կատարելու համար պարբերաբար անհրաժեշտություն է առաջանում օգտագործել ոչ մեծ քանակներով (տարեկան մոտ 10-20 լ) գերմաքուր (99,999 % մաքրությամբ) այնպիսի քիմիական նյութեր (ացետոնիտրիլ, ացետոն, մեթանոլ և այլն), որոնք ընդգրկված են թմրամիջոցների կամ հոգեմետ նյութերի կամ Հայաստանի Կառավարության սահմանած` դրանց պրեկուրսորների ցուցակում:

Գիտական աշխատանքները կատարվում են ինչպես ՀՀ բազային և թեմատիկ ֆինանսավորմամբ ծրագրերի, այնպես էլ միջազգային գիտատեխնիկական կենտրոնի (ՄԳՏԿ) դրամաշնորհի շրջանակներում:

Այդ կապակցությամբ համալսարանը դիմել է ՀՀ առողջապահության նախարարության լիցենզավորման ծառայություններին` այդ նյութերի ձեռքբերման թույլտվություն ստանալու համար: Ներմուծվող նյութերի համար դրանց պահպանման համար առանձնացվել է պահեստ, որն ապահովված է պահպանման անվտանգության հատուկ ազդանշանային համակարգով:

Առողջապահության նախարար Լեւոն Ալթունյանն այսօր ասել է, որ խոսքը ոչ թե թմրամիջոցների, այլ քիմիական նյութերի ներմուծման մասին է: Եթե այդպես է, ինչպե՞ս հասկանալ կառավարության վաղվա օրակարգում վերոնշյալ հարցի ձեւակերպման մեջ օգտագործված «թմրամիջոց» բառը:

ՍՈՆԱ ԴԱՎԹՅԱՆ

scroll to top