Կիրակի , 30 Ապրիլ 2017

  •  USD   Առք` 482.50   Վաճառք` 486.50   ՀՀ ԿԲ` 484.68   
  •  EUR   Առք` 521.00   Վաճառք` 536.00   ՀՀ ԿԲ` 530.14   
  •  CHF   Առք` 462.00   Վաճառք` 493.00   ՀՀ ԿԲ` 489.28   
  •  GBP   Առք` 615.00   Վաճառք` 634.00   ՀՀ ԿԲ` 627.08   
  •  RUB   Առք` 8.38   Վաճառք` 8.65   ՀՀ ԿԲ` 8.50   
  •  GEL   Առք` 183.00   Վաճառք` 206.00   ՀՀ ԿԲ` 198.64   
outputra5huxgif
Partly Cloudy
10°
Home » Լուրեր » Եռակողմ էներգետիկ համագործակցություն՝ Հայաստան-Իրան-Թուրքմենստան ձևաչափում

Եռակողմ էներգետիկ համագործակցություն՝ Հայաստան-Իրան-Թուրքմենստան ձևաչափում

Հունվար 10, 2017 13:16 Լուրեր, Տնտեսական A+ / A-

12755_am_1

Վարչապետի հանդիպումը այս կամ այն երկրի դեսպանի հետ բացառիկ եւ մեծ հետաքրքրություն ներկայացնող իրադարձությունների շարքին չես դասի:

Սակայն Կարեն Կարապետյանի հանդիպումը միանգամից երկու երկրի՝ Իրանի Իսլամական Հանրապետության արտակարգ եւ լիազոր դեսպան Սեյեդ Քազեմ Սաջադիի ու Թուրքմենստանի արտակարգ եւ լիազոր դեսպան Մուհամմետնիյազ Բադիի Մաշալովի հետ որոշակի ենթադրությունների հիմք է ստեղծում:

Ամենայն հավանականությամբ, այս երկրների դեսպանների հետ համատեղ հանդիպումը համագործակցության նոր նախագծերի մասին է վկայում:

Մասնավորապես, Հայաստանի վարչապետը խոսել է Հայաստան-Իրան-Թուրքմենստան եռակողմ տնտեսական փոխգործակցությունը զարգացնելու շահագրգռության եւ կարեւորության մասին, նշելով այդ երկրների միջեւ միջև ապրանքաշրջանառության ծավալներն ավելացնելու հնարավորությունները:

Ի պատասխան` դեսպաններն իրենց երկրների կառավարությունների անունից կարեւորել են Հայաստանի հետ հարաբերությունների ընդլայնումը եւ պատրաստակամություն հայտնել քննարկել այդ ուղղությամբ քայլերը: Առաջին հերթին քննարկվել են էներգետիկ ոլորտում եռակողմ գործակցությունը զարգացնելու հնարավորություններն ու հեռանկարները:

Ինչպես նշվում է պաշտոնական հաղորդագրության մեջ, արծարծվել են էներգառեսուրսների մատակարարմանը եւ համատեղ նախագծերին վերաբերող հարցեր, եւ պայմանավորվածություն է ձեռք բերվել համատեղ աշխատանքային խումբ ձևավորելու մասին:

Արժի հիշեցնել, որ 90-ականներին Հայաստանը գազ էր ստանում Թուրքմենստանից, փոխարենը մատակարարում հայկական արտադրության ապրանքներ: Սակայն այս մեխանիզմը սպառեց իրեն՝ տարբեր օբյեկտիվ եւ սուբյեկտիվ պատճառներով:

Իրանի հետ Հայաստանի էներգետիկ համագործակցության ծրագրերը հայտնի են՝ բարձրավոլտ էլեկտրահաղորդման գծերի կառուցում եւ էլեկտրաէներգիայի փոխանակում, միասնական էներգետիկ համակարգում Ռուսաստանի եւ Վրաստանի հետ համատեղ համաձայնագիր, գազ` էլեկտրաէներգիայի  դիմաց եւ այլն:

Հայաստան-Իրան-Թուրքմենստան էներգետիկ համագործակցությունը կարող է ենթադրել միասնական էներգետիկ համակարգի մեջ նաեւ Թուրքմենստանի ներգրավում, վերջինիս գազի մատակարարման եւ տարանցման տարբեր սխեմաների կիրառում: Ամեն դեպքում, միանգամայն իրատեսական է թվում այս եռակողմ համագործակցության կայացման հնարավորությունը:

Ն. Սարգսյան

122488199673267500288781848048447njpg
scroll to top