Հինգշաբթի , 30 Մարտ 2017

  •  USD   Առք` 482.00   Վաճառք` 485.50   ՀՀ ԿԲ` 483.82   
  •  EUR   Առք` 516.00   Վաճառք` 526.00   ՀՀ ԿԲ` 522.04   
  •  CHF   Առք` 460.00   Վաճառք` 491.00   ՀՀ ԿԲ` 486.84   
  •  GBP   Առք` 589.00   Վաճառք` 607.00   ՀՀ ԿԲ` 601.53   
  •  RUB   Առք` 8.45   Վաճառք` 8.62   ՀՀ ԿԲ` 8.49   
  •  GEL   Առք` 186.00   Վաճառք` 206.00   ՀՀ ԿԲ` 198.29   
outputra5huxgif
Clear
Home » Լուրեր » Ե՞րբ կհանձնվի ադրբեջանցի զինծառայողի մարմինը

Ե՞րբ կհանձնվի ադրբեջանցի զինծառայողի մարմինը

Հունվար 12, 2017 13:23 Լուրեր, Հասարակություն A+ / A-

68061

Դեկտեմբերի 29-ին Տավուշի մարզի Չինարի գյուղում ադրբեջանական հատուկջոկատայինների կողմից իրականացված դիվերսիոն գործողությունների ընթացքում զոհված ադրբեջանցի զինվոր Չինգիզ Ղուրբանով Սալմանօղլուի մարմինը ադրբեջանական կողմին հանձնելու հարցով Կարմիր խաչի միջազգային կոմիտեն (ԿԽՄԿ) բանակցություններ է վարում երկու կողմերի հետ: Այս մասին Araratnews.am-ի հետ զրույցում նշեց ԿԽՄԿ լուսաբանման բաժնի աշխատակից  Հասմիկ Գալստյանը:

Նրա խոսքով՝ այս պահին ԿԽՄԿ-ն որպես չեզոք միջնորդ պատրաստ է աջակցելու զինվորի մարմնի հանձնման գործընթացին. «ԿԽՄԿ-ն երկխոսություն է վարում երկու կողմերի իշխանությունների հետ` սպանված ադրբեջանցի զինծառայողի հարցի շուրջ: Տեղյակ ենք, որ միջադեպի առնչությամբ հայկական կողմը հետաքննություն է վարում: Միևնույն ժամանակ մարմինը պետք է հանձնել ընտանիքին հնարավորինս շուտ: Կարմիր խաչի միջազգային կոմիտեն պատրաստ է որպես չեզոք միջնորդ աջակցել մարմնի հայրենադարձմանը»:

Գործընթացի մասին այլ մանրամասներ պարզել չհաջողվեց. «Երկխոսություններն ընթանում են գաղտնիության սկզբունքով, և դրանց բովանդակությունը բացահայտել չենք կարող»:

Հիշեցնենք, որ 2016 թվականի դեկտեմբերի 29-ին վաղ առավոտյան ՀՀ Տավուշի մարզի Չինարի գյուղից դեպի հարավ-արևելք ընկած պետական սահմանի հատվածում ադրբեջանական զորքերը ձեռնարկել էին դիվերսիոն ներթափանցման փորձ։ ՀՀ զինված ուժերը մարտի էին բռնվել հակառակորդի հետ, որի հետևանքով երկու կողմն էլ տվել էր զոհեր:

Նման թեմաներ

122488199673267500288781848048447njpg
scroll to top