Շաբաթ , 23 Հունիս 2018

    outputra5huxgif
    Clear
    17°
    Home » Uncategorized @hy » Երևի չպետք է բարձրաձայնեի. տնօրենը` իր պարզաբանումների մասին (տեսանյութ)

    Երևի չպետք է բարձրաձայնեի. տնօրենը` իր պարզաբանումների մասին (տեսանյութ)

    Նոյեմբեր 14, 2017 18:09 Uncategorized, Լուրեր, Հասարակություն, Տեսանյութ A+ / A-

    Երեկվանից բավականին ակտիվ քննարկվում է Երևանի Ջոն Կիրակոսյանի անվան դպրոցում սովորող երեխաների միջև տեղի ունեցած միջադեպը, որի մասին հրապարակել էր երեխաներից մեկի մայրը, նշելով, որ առաջին դասարանում սովորող իր տղայի նկատմամբ դասընկերները բռնություն են կիրառել` սկոտչով կապել են ձեռքերը, դեմ են տվել պատին ու մի քանի հարված հասցրել:

    Կատարվածին այսօր Araratnews.am-ի հետ զրույցում անդրադարձել էր Ջոն Կիրակոսյանի անվան դպրոցի տնօրեն Անահիտ Խոսրովյանը, նշելով, որ նման բան իրենց դպրոցում չի եղել: Տնօրենի խոսքով` ծնողը նման քայլի գնալով, իր շահերն է հետապնդում, սակայն այդ մասին բարձրաձայնել չցանկացավ, ասելով, որ դա թող  պարզեն իրավապահ մարմինները:

    Մինչ այդ մենք արդեն տեղեկացրել էինք, որ տնօրենը, անդրադառնալով դեպքին, նշել է, որ իրենք դարձել են առաջին դասարանցու ամուսնալուծված ծնողների հարաբերությունների մատաղացուն: Մեր հարցին` արդյոք տնօրենը ճի՞շտ է վարվել, հրապարակելով երեխայի ընտանեկան կարգավիճակը, նա նշեց. «Ես այդ պահին… և՛ վիրավորված էի, և՛ զայրացած էի, և՛ նեղված, որովհետև այստեղ լրիվ ուրիշ միջավայր է, ուրիշ մթնոլորտ է դպրոցում, և ուրիշ վերաբերմունք էցանկացած երեխայի նկատմամբ: Ցանկացած երեխայի ճակատագիր մեզ համար շատ թանկ է, ու ստանալ այդպիսի՞ պատասխան… Մենք գիտեինք` դա ինչի՛  հետևանքն է, բայց որ մենք այդպիսի պատասխան պետք է ստանայինք… ես այդ պահին իրոք վիրավորված էի: Երևի չպետք է բարձրաձայնեի: Այդ ժամանակ մտածեցի ինքնապաշտպանության… տեսեք` որտեղից որտեղ ենք հասել»:

    ԷՄՄԱ ՀՈՎՍԵՓՅԱՆ

    Ավելին` տեսանյութում:

    scroll to top