Գլխավոր Լուրեր Եթե քննիչ հանձնաժողովում հարցեր լինեն, մենք կդիմենք Սերժ Սարգսյանին

Եթե քննիչ հանձնաժողովում հարցեր լինեն, մենք կդիմենք Սերժ Սարգսյանին

6
0

Եթե հարցեր լինեն, մենք կդիմենք Սերժ Սարգսյանին, որպեսզի ինքն էլ պատասխանի որոշակի հարցերի: Այս մասին այսօր ԱԺ-ում լրագրողների հետ զրույցում նշեց Ապրիլյան պատերազմի հանգամանքներն ուսումնասիրող քննիչ  հանձնաժողովի նախագահ Անդրանիկ Քոչարյանը:

Նա տեղեկացրեց, որ հանձնաժողովը դեռ փաստաթղթերի ուսումնասիրության փուլում է։

«Նախապատրաստական փուլը գրեթե ավարտում ենք, սպասվում է քննելու փուլը, դա տեղի կունենա այն ժամանակ, երբ հանձնաժողովի բոլոր անդամները ներկա լինեն»,- ասաց Քոչարյանը՝ նկատելով, որ այդ փուլի համար պետք է ուսումնասիրվեն բազմաթիվ փաստաթղթեր, այդ թվում՝ պաշտպանության նախկին նախարար Սեյրան Օհանյանի հրահանգով արվածը։

Պատգամավորի խոսքով՝ բոլոր ուժային կառույցների պատասխանատուները, եթե ասելիք ունեն, պետք է կենտրոնանան տվյալ ասելիքի վրա․ «Բայց մենք տեսնում ենք, որ շատ պաշտոնյաներ զբաղված են հասարակության հետ այլ հոլովակներով խոսելով: Ինձ հետաքրքրում են այս պահին ապրիլյան դեպքերն ու դրանց ուսումնասիրությունին առնչվող նյութերը»:

Հարցին՝ հնարավո՞ր է իրենց հանձնաժողովի գործունեության ժամկետը երկարացվի, Անդրանիկ Քոչարյանը պատասխանեց. «Ես այս պահին չեմ կարող ասել, եթե անհրաժեշտություն լինի ժամկետները երկարաձգել, ես կդիմեմ խորհրդարանաին եւ կարծում եմ, ԱԺ-ն չի մերժի: Մեկ այս ամսվա համար արդեն ունենք որոշակի արդյունքներ»,-ասաց նա՝ հավելելով, որ կգա նաեւ այն փուլը, որը լրագրողներին շատ է հետաքրքրում, թե ովքեր են գալու հանձնաժողով.

«Ցանկը բավականին մեծ է»,-ընդգծեց նա՝ չհստակեցնելով անունները: