Շաբաթ , 18 Նոյեմբեր 2017

  •  USD   Առք` 482.00   Վաճառք` 487.00   ՀՀ ԿԲ` 486.78   
  •  EUR   Առք` 562.00   Վաճառք` 577.00   ՀՀ ԿԲ` 574.01   
  •  CHF   Առք` 478.00   Վաճառք` 492.00   ՀՀ ԿԲ` 490.85   
  •  GBP   Առք` 627.00   Վաճառք` 647.00   ՀՀ ԿԲ` 644.89   
  •  RUB   Առք` 8.00   Վաճառք` 8.23   ՀՀ ԿԲ` 8.17   
  •  GEL   Առք` 169.00   Վաճառք` 189.00   ՀՀ ԿԲ` 178.88   
outputra5huxgif
Sunny
11°
Home » Լուրեր » Եվրախորհրդարանականները պահանջել են Ալիևից ազատ արձակել Մուխթարլիին

Եվրախորհրդարանականները պահանջել են Ալիևից ազատ արձակել Մուխթարլիին

Նոյեմբեր 14, 2017 14:31 Լուրեր, Միջազգային A+ / A-

5CD446E6-DE3D-4E40-A5C7-977A30A95066_w1023_r1_s

Եվրախորհրդարանի ավելի քան չորս տասնյակ պատգամավորներ նամակ են հղել Ադրբեջանի նախագահ Իլհամ Ալիևին՝ դատապարտելով լրագրող Աֆղան Մուխթարլիի նկատմամբ վերաբերմունքն ու կոչ անելով անհապաղ ազատ արձակել նրան:

«Ազատազրկման առաջին ամսվա ընթացքում լրագրողին թույլ չի տրվել նույնիսկ մեկ անգամ հեռախոսազրույց ունենալ ընտանիքի անդամների հետ, մինչ նրա փաստաբանները ահազանգում են ֆիզիկական ճնշումների ու պաշտպանական նյութերի առգրավման մասին»,- ասված է «Ազատություն» ռադիոկայանի տրամադրության տակ հայտնված նամակում:

Հաղորդագրությունը Բաքու է ուղարկվել Բրյուսելում հաջորդ շաբաթ կայանալիք Արևելյան գործընկերության գագաթնաժողովից առաջ, որտեղ, ակնկալվում է, որ Ադրբեջանի նախագահը հանդիպելու է Եվրամիության առաջնորդների հետ:

Նշենք, որ Վրաստանի մայրաքաղաք Թբիլիսիից անհետացած և բռնի ուժով Ադրբեջան տեղափոխված ընդդիմադիր լրագրող Աֆղան Մուխթարլիի դեմ Բաքվում մեղադրանք է առաջադրվել իշխանության ներկայացուցչի նկատմամբ ուժային դիմադրություն ցույց տալու, ինչպես նաև Ադրբեջանի սահմանն ապօրինաբար հատելու և մաքսանենգության համար:

Իսկ Amnesty International միջազգային իրավապաշտպան կազմակերպությունը կոչ էր արել Վրաստանի կառավարությանը հետաքննել Թբիլիսիում ադրբեջանցի ընդդիմադիր լրագրող և ակտիվիստ Աֆղան Մուխթարլիի առևանգման վերաբերյալ գործը և պարզել, թե արդյոք այդ գործում ներգրավվա՞ծ են Վրաստանի ուժային կառույցները:

Նման թեմաներ

122488199673267500288781848048447njpg
scroll to top