Գլխավոր Աշխարհ Բանակցություններ են ընթանում Հայաստան՝ կորոնավիրուսային դեղամիջոցը մատակարարելու վերաբերյալ. TASS

Բանակցություններ են ընթանում Հայաստան՝ կորոնավիրուսային դեղամիջոցը մատակարարելու վերաբերյալ. TASS

18
0

Ռուսական «Տրիազավիրին» դեղամիջոցի խմբաքանակը, որը Չինաստանում կորոնավիրուսի բուժման փորձարկում է անցնում, մատակարարվել է Թուրքմենստան: Ինչպես գրում է ՏԱՍՍ-ը, դեղամիջոցն արտադրող «Մեդսինթեզ» ընկերության տնօրենների խորհրդի նախագահ Ալեքսանդր Պետրովը նշել է, որ դեղամիջոցն ուղարկվել է Չինաստան՝ որպես մարդասիրական օգնություն: Այնտեղ այն փորձարկվում է կորոնավիրուսի բուժման համար:

Ներկայումս բանակցություններ են ընթանում Հայաստան «Տրիազավիրին» դեղամիջոցը մատակարարելու վերաբերյալ:

«Մենք դեղամիջոցը մատակարարել ենք Թուրքմենստան: Սա մարդասիրական խմբաքանակ չէ, միջոցներ են հատկացվել, և նրանք գնել են այն իրենց համար: Խմբաքանակը մեծ էր՝ մոտ 2 հազար փաթեթ», — ասել է Պետրովը:

Նա տեղեկացրել է, որ ներկայումս բանակցություններ են ընթանում Հայաստանին մատակարարելու վերաբերյալ:

Ըստ արտադրողների, «Տրիազավիրին» դեղամիջոցն արդյունավետ է գրիպի 15 տեսակի դեմ: