![](https://araratnews.am/admin/images/1703230124.webp)
Լրագրողի այն հարցին, թե Արևմուտքի հետ, այդ թվում՝ անվտանգության ոլորտում շփումների ավելացման ուղղությամբ Երևանի դիրքորոշման ֆոնին, ինչպե՞ս է Ռուսաստանը նախատեսում շարունակել համագործակցությունը ռազմատեխնիկական ոլորտում, Կոպերկինը պատասխանել է․
«Մեր երկրների միջև ռազմատեխնիկական համագործակցությունը վաղեմի ավանդույթ ունի և հիմնված է 2013 թվականի հունիսի 25-ի «Ռուսաստանի Դաշնության և Հայաստանի Հանրապետության միջև ռազմատեխնիկական համագործակցության զարգացման մասին» համաձայնագրի վրա։ Կնքված գրեթե բոլոր պայմանագրերը կամ արդեն ավարտվել են ժամանակին և բարձր որակով, կամ գտնվում են իրականացման վերջնական փուլում։ Քննարկվում են նաև ռազմատեխնիկական համագործակցության ոլորտում մեր երկրների միջև նոր համաձայնագրեր։
Որոշ անհատական պայմանագրերի համար իսկապես կան հարցեր՝ կապված ռուսական ձեռնարկությունների՝ պաշտպանության պետական պատվերը կատարելու պարտավորությունների հետ, բայց դրանք աշխատանքային հարցեր են, որոնք լուծվում են Ռուսաստանի և Հայաստանի համապատասխան գերատեսչությունների միջև երկխոսության արդյունքում»։