Նիդեռլանդները, Լեհաստանը և Գերմանիան ստորագրել են ռազմական միջանցք ստեղծելու մտադրության մասին հռչակագիրը։
Այս մասին X-ի իր էջում հայտնում է Նիդեռլանդների պաշտպանության նախարարության ղեկավար Կաիսա Օլոնգրեն։
Միջանցքի ստեղծումը ներառում է բոլոր հարցերի լուծումը, որոնք դանդաղեցնում են ռազմական տեղաշարժերը՝ սկսած ենթակառուցվածքներից մինչև բյուրոկրատական խոչընդոտներ։
Շարժունակությունը բարելավելու համար երեք երկրները ցանկանում են, ի թիվս այլ բաների, նվազեցնել թղթաբանությունը և ստանդարտացնել ռազմական տեղաշարժերի պայմանները: Օրինակ, նրանք մտադիր են ուսումնասիրել, թե ինչպես և ինչ պայմաններում կարող են առաջնահերթություն ունենալ ռազմական գնացքները քաղաքացիականների նկատմամբ։
Նկատի է առնվում սահմանի հատման ընթացակարգերի պարզեցումը, ռազմական շարասյուների կանոնակարգերը նվազագույնի հասցնելու և միջանցքի երկայնքով նյութատեխնիկական ապահովման (ինչպիսիք են հանգստի գոտիները և գազալցակայանները) ստեղծումը։