Սաուդյան Արաբիան մերժել է Իսրայելի հետ դիվանագիտական հարաբերություններ հաստատելու հնարավորությունը՝ առանց Պաղեստինի անկախ պետության ստեղծման որոշման, հայտնում է Al-Jazeera կատարական հրատարակությունը՝ վկայակոչելով թագավորության արտաքին գործերի նախարարության հայտարարությունը։
Հաշվի առնելով Սաուդյան Արաբիայի և Միացյալ Նահանգների միջև վերջին քննարկումները արաբա-իսրայելական կարգավորման արդի հարցերի շուրջ, այդ թվում՝ պետքարտուղար Էնթոնի Բլինքենի՝ Էր Ռիադ կատարած վերջին այցի ժամանակ, երկրի ԱԳՆ-ն հանդես է եկել հատուկ հայտարարությամբ, որում ասվում է.
«Արտաքին գործերի նախարարությունը կրկնում է, որ Սաուդյան Արաբիայի Թագավորության դիրքորոշումը միշտ հաստատուն է եղել պաղեստինյան խնդրի և եղբայրական պաղեստինյան ժողովրդի՝ իր օրինական իրավունքները ստանալու անհրաժեշտության վերաբերյալ»: