Եգիպտոսի իշխանությունները սկսել են պատ կառուցել Գազայի հատվածի հետ սահմանին՝ Ռաֆահ քաղաքի մոտ, որի վրա իսրայելական բանակը նախատեսում է հարձակում։ Այս մասին հայտնում է The New York Times-ը, որը վերլուծել է արբանյակային պատկերներն ու օբյեկտի լուսանկարները։
Հրապարակման համաձայն՝ փետրվարի 5-ի սահմաններում բուլդոզերները սկսել են մեծ տարածք մաքրել Ռաֆահ սահմանային անցակետից հարավ գտնվող բուֆերային գոտում։ Ըստ տեղում աշխատող ինժեների՝ եգիպտական բանակը հրամայել է իրենց բուֆերային գոտում կառուցել 5 մ բարձրությամբ բետոնե պատ՝ դրանով իսկ ցանկապատելով 5 կմ քառակուսի մետր տարածք։
Դեռ պարզ չէ, գրում է թերթը, արդյոք պատը կառուցվում է Գազայի հատվածից փախստականների հոսքը զսպելու համար։
Ավելի վաղ Պաղեստինի ԱԳՆ-ն հայտնել էր, որ Իսրայելի իշխանությունները սահմանափակում են Գազայի հատվածի բնակիչների տեղաշարժը և ստիպում պաղեստինցիներին շարժվել դեպի Եգիպտոսին սահմանակից Ռաֆահ անցակետը։ Կահիրեն բազմիցս հայտարարել է, որ կտրականապես դեմ է պաղեստինցիների տեղափոխման ծրագրին` ինչպես Գազայի ներսում, այնպես էլ դրա սահմաններից դուրս, հատկապես Սինայի թերակղզի: