Թումո միջազգային ցանցի երկրորդ կենտրոնն է բացվել Գերմանիայում. Թումո Մանհայմը պաշտոնապես բաց է։

Կենտրոնի բացման արարողությանը ներկա են գտնվել ավելի քան 200 հյուրեր՝ կառավարության ներկայացուցիչներ և կրթական ոլորտի առաջնորդներ, ինչպես նաև Թումո Մանհայմի ուսանողների առաջին խումբը: 1000 ուսանողի համար նախատեսված կենտրոնում թումոցիներն ուսումնասիրելու են ութ ոլորտ` ծրագրավորում, երաժշտություն, ռոբոտաշինություն, 3D մոդելավորում, ֆիլմերի ստեղծում, խաղերի ստեղծում, գրաֆիկական դիզայն, նկարչություն և լուսանկարչություն:

Նշենք, որ Գերմանիան Հայաստանի օրինակով նախատեսում է իր տարածքը ծածկել ԹՈՒՄՈ կենտրոնների ցանցով։ Առաջիկայում այս երկրում ակնկալվում է հայկական կրթական ցանցի ևս 4 դպրոցի բացում։ Գաղափարը ժամանակին առաջ է քաշել Անգելա Մերկելը։