Ունենք պատգամավորներ, որոնց չենք տեսել վերջին երկու տարին: Այս մասին այսօր Ազգային ժողովում պետաիրավական հանձնաժողովի նիստին ասաց հանձնաժողովի նախագահ, «Քաղաքացիական պայմանագիր» խմբակցության պատգամավոր Վլադիմիր Վարդանյանը:
Նա նշեց, որ պատգամավորի աշխատավարձը, սոցիալական երաշխիքները պետք է բարձր լինեն, ԿԸՀ, ԲԴԽ անդամներինը ևս պետք է բարձր լինի:
«Չեն աշխատում, հարց է՝ ի՞նչ գործ ունեն չաշխատող մարդիկ պետական համակարգում: Չաշխատող մարդը պետական համակարգում անելիք չունի»,- ասաց նա:
Նա նկատեց, որ ինչ-որ մի փուլում աշխատանքը դարձել էր ամոթ, և պետք է աշխատանքը գնահատվի:
«Եթե մարդը չի աշխատում, համակարգից պետք է ընդհանրապես դուրս գա, ով ուզում է լինի՝ վերից վար»,- ասաց նա:
Վլադիմիր Վարդանյանն անդրադառնալով Հանրային խորհրդին, ասաց, որ Հանրային խորհուրդը կարևոր մարմին է, բայց չի աշխատում: