ՄԱԿ-ի Միջազգային քրեական դատարանը (ՄՔԴ) սկսում է լսումներ՝ հիմնվելով Ադրբեջանի կողմից ներկայացված նախնական առարկությունների վրա։

Միջազգային քրեական դատարանի կայքում հրապարակված տեղեկատվության համաձայն՝ ՄՔԴ-ն ապրիլի 15-ից 19-ը Հաագայում լսումներ կանցկացնի՝ հիմնվելով Ռասայական խտրականության բոլոր ձևերի վերացման միջազգային կոնվենցիայի կիրառման հետ կապված Ադրբեջանի կողմից ներկայացված նախնական առարկությունների վրա («Հայաստանն ընդդեմ Ադրբեջանի» գործ):

Ադրբեջանական կողմը գործընթացում ներկայացնում է փոխարտգործնախարար Էլնուր Մամեդովը։

2021 թվականի սեպտեմբերի 16-ին Հայաստանը գործընթաց է սկսել Ադրբեջանի դեմ՝ այս կոնվենցիան խախտելու մեղադրանքով։ 2023 թվականի ապրիլի 21-ին Ադրբեջանը դատարան է ներկայացրել իր նախնական առարկությունները։

Նշվում է, որ լսումների առաջին փուլը, որին կներկայացվեն բանավոր փաստարկներ, տեղի կունենա ապրիլի 15-ին (Ադրբեջան) և ապրիլի 16-ին (Հայաստան), երկրորդ փուլը՝ ապրիլի 17-ին (Ադրբեջան) և ապրիլի 19-ին(Հայաստան):

ՄՔԴ-ի մեկ այլ մամլո հաղորդագրության մեջ նշվում է, որ լսումներ են անցկացվելու Հայաստանի նախնական առարկությունների վերաբերյալ՝ կապված Ռասայական խտրականության բոլոր ձևերի վերացման միջազգային կոնվենցիայի կիրառման գործի հետ («Ադրբեջանն ընդդեմ Հայաստանի» գործ):

Լսումները տեղի կունենան ապրիլի 22-ից 26-ը։