Ինդոնեզիայում 6,0 մագնիտուդով երկրաշարժ է տեղի ունեցել, հայտնում է երկրի սեյսմոլոգիական և օդերևութաբանական գործակալությունը։

Սեյսմոլոգների տվյալներով՝ երկրաշարժը տեղի է ունեցել տեղական ժամանակով 17.55-ին՝ Մալուկու նահանգի հյուսիս-արևելքում։ Երկրաշարժի էպիկենտրոնը գտնվել է 153 կիլոմետր խորության վրա:

«Տեկտոնական երկրաշարժը գտնվում է 153 կիլոմետր խորության վրա, ցունամիի հավանականություն չկա»,- պարզաբանել են սեյսմոլոգները:

Ավերածությունների կամ զոհերի մասին տեղեկություններ չկան:

258