ԱՄՆ-ն և դաշնակիցները մտադիր են Ուկրաինային հատկացնել ավելի քան 1 միլիարդ դոլար՝ հակաօդային պաշտպանության համակարգերին աջակցելու համար։ Այս մասին ասվում է ԱՄՆ-ի, Գերմանիայի, Ռումինիայի, Իտալիայի եւ Նիդեռլանդների համատեղ հայտարարության մեջ, որը հրապարակվել է Սպիտակ տան կայքում։

Փաստաթղթի համաձայն՝ Կիևը Իտալիայից կստանա չորս լրացուցիչ Patriot զենիթահրթիռային համակարգեր և SAMP-T համակարգը։ Բացի այդ, դաշնակիցները Ուկրաինային կմատակարարեն այնպիսի մարտավարական ՀՕՊ համակարգեր, ինչպիսիք են NASAMS-ը, HAWK-ը, IRIS T-SLM-ը, IRIS T-SLS-ը և Gepard-ը:

Հայտարարության մեջ նշվում է նաև, որ ՆԱՏՕ-ն Կիևի հետ միասին շարունակում է զարգացնել դաշինքի հետ համատեղելի հակաօդային և հակահրթիռային պաշտպանության համալիր ճարտարապետություն։