Նրանք, ովքեր ոտնահարում են Չինաստանի կարմիր գծերը Թայվանի հարցում, կվճարեն այդ գինը։ Այսպես է մեկնաբանել Չինաստանի ԱԳՆ խոսնակ Լին Ցզյանը Թայվանին զենք մատակարարող ամերիկյան ռազմարդյունաբերական ընկերությունների դեմ չինական պատժամիջոցների վերաբերյալ ճեպազրույցում։

«Թայվանի խնդիրը ընկած է Չինաստանի հիմնական շահերի հիմքում և առաջին կարմիր գիծն է չին-ամերիկյան հարաբերություններում, որը չի կարելի հատել»,- ասաց Լին Ցզյանը: 

Նա նշել է, որ ոչ մի պետություն, կազմակերպություն կամ անհատ չպետք է թերագնահատի Չինաստանի կառավարության և ժողովրդի ամուր վճռականությունը, կամքն ու կարողությունը՝ պաշտպանելու երկրի ազգային ինքնիշխանությունն ու տարածքային ամբողջականությունը։