Բաժանորդագրվեք araratnews-ի  տելեգրամ ալիքին։

Օգոստոսի 26-ին՝ ժամը 14։40-ի սահմաններում, Երևան-Սևան-Դիլիջան-Իջևան ավտոճանապարհի 112-րդ կմ հատվածում բախվել են «Մերսեդես Վիտո» և «Ֆորդ Տրանզիտ» մակնիշի ավտոմեքենաները։

Shamshyan.com-ի հաղորդմամբ՝ վթարի հետևանքով 1 հոգի տեղում մահացել է, 8 հոգի՝ տեղափոխվել «Դիլիջան» բժշկական կենտրոն։

Վթարի փաստով Դիլիջանի քննչական բաժնում նախաձեռնվել է քրեական վարույթ, որտեղ էլ պարզվում է մահացածի, վիրավորներին և վարորդների ինքնությունը։

Քննիչի հանձնարարականով ավտոմեքենաները տեղափոխվում են ոստիկանության Դիլիջանի բաժնի պահպանվող հատուկ տարածք։

Դեպքի վայրում հավաքվածները նշել են, որ մահացածը «Մերսեդես»-ի ուղևորներից է եղել, որը Տավուշի մարզի բնակիչ 62-ամյա Սուսաննա Վերանյանն է։