Բաժանորդագրվեք araratnews-ի  տելեգրամ ալիքին։

ՄԱԿ-ի Գլխավոր ասամբլեան 1994 թվականին սեպտեմբերի 16-ը հայտարարել է Օզոնային շերտի պահպանության միջազգային օր: Օրվա կապակցությամբ Շրջակա միջավայրի եվրոպական գործակալությունը հրապարակել է նոր տվյալներ, որոնք ամեն տարի հավաքագրվում են ընկերություններից՝ արտադրության, ներմուծման, ոչնչացման և օզոնային շերտը քայքայող նյութերի քանակների վերաբերյալ, հայտնում են «Հիդրոօդերևութաբանության և մոնիթորինգի կենտրոն» ՊՈԱԿ-ից:

Տվյալները ցույց են տալիս, թե ինչպես է ԵՄ-ն կատարել Մոնրեալի արձանագրությամբ ստանձնած պարտավորությունները: 2023 թվականին ԵՄ-ում օզոնային շերտը քայքայող նյութերի սպառումը (արտադրություն և ներմուծում հանած ոչնչացում և արտահանում) կազմել է +1306 տոննա, այնինչ 2022 թվականին՝ -2954 տոննա:

ԵՄ-ում վերահսկվող օզոնային շերտը քայքայող նյութերի արտադրությունը 20%-ով ցածր է եղել, քան 2022 թվականին, մինչդեռ այդ նյութերի ներմուծումը նվազել է 2%-ով։ Այս ծավալները Եվրոպայում օզոնային շերտը քայքայող նյութերի ընդհանուր թվի 1%-ից քիչ են, որոնք սպառվել են 1986 թվականին Մոնրեալի արձանագրության համաձայնեցման պահին: