Արմենակյան փողոցում գիշերային ժամերին միջին նորոգման աշխատանքներ են. տրանսպորտային միջոցները չկայանել երթևեկելի մասում
Բաժանորդագրվեք araratnews-ի տելեգրամ ալիքին։
Արմենակյան փողոցում շարունակվում են միջին նորոգման աշխատանքները, որոնք նախատեսվում է ավարտել սույն թվականի նոյեմբերի 25-ին: Աշխատանքներն իրականացվում են գիշերային ժամերին` 22:00-ից մինչև 07:00-ը: Այս մասին տեղեկացնում են Երևանի քաղաքապետարանից:
«Հորդորում ենք վարորդներին աշխատանքի արդյունավետության ապահովման նպատակով տրանսպորտային միջոցները գիշերային ժամերին չկայանել վերոնշյալ ճանապարհահատվածի երթևեկելի մասում:
Պատճառվող ժամանակավոր անհարմարությունների համար հայցում ենք քաղաքացիների ներողամտությունը»,- ասված է հաղորդագրության մեջ:
13 Նոյեմբեր, 2024 18:08
412