Վարույթ իրականացնող մարմինը կորոշի համայնքային ծառայողների պաշտոնավարումը կշարունակվի՞, թե՞ ոչ: Քաղաքապետի մամուլի խոսնակ Հակոբ Կարապետյանն ասաց Araratnews.am-ին: 

Հիշեցնենք՝  ոստիկանությունը մեղադրանք է առաջադրել  Էրեբունի վարչական շրջանի ղեկավարի աշխատակազմի աշխատակիցներին: Նրանք կաշառք են պահանջել քաղաքացուց: 

Հակոբ Կարապետյանի խոսքով՝  գործը նախաքննության փուլում է, կա անմեղության կանխավարկած, ուստի համայնքապետարանը  չի կարող որեւէ քայլ անել՝ ազատել աշխատանքից համայնքային ծառայողներին:

Հակոբ Կարապետյանին հարցրինք՝  արդյոք Էրեբունու  վարչական շրջանի աշխատակազմի ղեկավար Արման Աբրահամյանը բացատրություն պահանջել է աշխատակիցներից, խոսնակն ասաց՝ տեղյակ չէ: 

 Փորձեցինք պարզաբանում լսել նաև Էրեբունի վարչական շրջանի աշխատակազմի ղեկավարից, տեղակալներից, սակայն հեռախոսազանգերին պատասխանածներն ասացին՝ տեղում չեն: 

Սոնա Դավթյան

 

742