Բաժանորդագրվեք araratnews-ի տելեգրամ ալիքին։
Հուշագրի շրջանակում պեղումներ են իրականացվել Հատիս լեռան գագաթին, ամբողջությամբ առանձնացվել է հուշարձանի հատվածը և ճանաչվել որպես նորահայտ հուշարձան: Այս մասին այսօր՝ հունվարի 8-ին, մամուլի ասուլիսի ժամանակ ասաց ԿԳՄՍ նախարար Ժաննա Անդրեասյանը՝ անդրադառնալով հարցին, թե ի վերջո որտե՞ղ է տեղադրվելու Հուսուսի արձանը:
«Չգիտեմ՝ որտեղ է տեղադրվելու, բայց վստահ եմ, որ հուշարձանի տարածքում չի տեղադրվելու, դրանում կարող եմ վստահեցնել, որովհետև պեղումներն արվել էին նաև այն պատճառով, որպեսզի կարողանանք այդ իմաստով նաև հուշարձանի ամբողջ տարածքը պատկերացնել»,- ասաց Անդրեասյանը:
Ժաննա Անդրեասյանը, անդրադառնալով պեղումների արդյունքներին, նշեց որ ինքն անձամբ եղել է պեղումների տարածքում և այն կարող է դառնալ հետաքրքիր զբոսաշրջային վայր:
«Պետք է ասեմ նաև, որ հետաքրքիր գտածոներ ունենք, հին մետաղադրամներ. կիկլոպյան ամրոցի մասին է խոսքը»,- ասաց նա:
Հիշեցնենք, որ ՀՀ մշակույթի նախարարությունը թեև ընդունելի էր համարել Քրիստոսի մոնումենտալ արձանի գաղափարը, միևնույն ժամանակ պահանջել էր հնավայր-ամրոցի տարածքում դադարեցնել ցանկացած գործունեություն՝ մինչև սահմանված կարգով նախագծի ներկայացումն ու մասնագիտական ուսումնասիրությունը: