Բաժանորդագրվեք araratnews-ի  տելեգրամ ալիքին։

Ռուս դերասան Յուրա Բորիսովն առաջադրվել է Մեծ Բրիտանիայի գլխավոր կինոմրցանակին, որը շնորհվում է Բրիտանական կինոյի և հեռուստատեսային արվեստների ակադեմիայի (BAFTA) կողմից՝ երկրորդ պլանի լավագույն դերասան անվանակարգում։ Հեռարձակումը, որի ընթացքում հայտարարվել է թեկնածուների ցուցակը, տեղի է ունեցել BAFTA YouTube-ի ալիքում։

Բորիսովն այս մրցանակին առաջադրվել է ամերիկացի ռեժիսոր Շոն Բեյքերի «Անորա» ֆիլմում դերակատարման համար։

Դափնեկիրների մրցանակաբաշխությունը տեղի է ունենում ամեն տարի Լոնդոնում։ Բրիտանական ակադեմիայի կինոմրցանակը շնորհվում է 1947 թվականից։

Հունվարի 8-ին նա ստացել է SAG մրցանակի անվանակարգ՝ որպես երկրորդ պլանի լավագույն դերասան՝ նույն ֆիլմում իր դերի համար։