Բաժանորդագրվեք araratnews-ի տելեգրամ ալիքին։
Ռուսաստանն արդեն սկսել է խումբ ստեղծել ԱՄՆ-ի հետ բանակցությունների համար, այդ թվում՝ քննարկելու Ուկրաինայում ստեղծված իրավիճակը։ Այս մասին լրագրողներին հայտնել է ՌԴ նախագահի մամուլի քարտուղար Դմիտրի Պեսկովը։
«Իհարկե, [աշխատանքները] սկսվել են։ Հենց նախագահը համապատասխան որոշումներ կայացնի, մենք ձեզ կտեղեկացնենք»,- ասել է Կրեմլի խոսնակը։
Պեսկովը նշել է, որ Կրեմլը դեռ չի ակնկալում ամերիկացի բանակցողների այցը Մոսկվա, քանի որ «այդ հարցում դեռևս կոնկրետ պայմանավորվածություններ չկան»։
«ԱՄՆ նախկին վարչակազմը գտնում էր, որ պետք է ամեն ինչ անել, որպեսզի պատերազմը շարունակվի։ Ներկայիս վարչակազմը, որքան մենք հասկանում ենք, հավատարիմ է այն տեսակետին, որ պատերազմը պետք է դադարեցվի և խաղաղություն տիրի»,- նշել է Պեսկովը։
«Մենք շատ ավելի տպավորված ենք ներկայիս վարչակազմի դիրքորոշումից։ Եվ մենք բաց ենք երկխոսության համար»,- ընդգծել է նա։
Միևնույն ժամանակ Պեսկովը հայտնել է, որ Կրեմլը դեռ պատրաստ չէ ասելու, թե որ երկրները կարող են մասնակցել Ուկրաինայի հարցով բանակցություններին, քանի որ «աշխատանքային մակարդակով դեռևս որևէ առարկայական շփում չի եղել»։
Նրա խոսքով՝ ՌԴ նախագահ Վլադիմիր Պուտինը և Սպիտակ տան աշխատակազմի ղեկավար Դոնալդ Թրամփը երեկ հեռախոսազրույցի ընթացքում պայմանավորվել են իրենց օգնականներին հանձնարարել անհապաղ սկսել գագաթնաժողովի նախապատրաստական աշխատանքները։