Բաժանորդագրվեք araratnews-ի տելեգրամ ալիքին։
Ֆրանսիայի նախագահ Էմանուել Մակրոնի այցն ԱՄՆ և հանդիպումն իր ամերիկացի գործընկեր Դոնալդ Թրամփի հետ՝ Ուկրաինայի անվտանգության երաշխիքների վերաբերյալ կոնկրետ խոստումներ ստանալու նպատակով, անհաջող է անցել, գրում է Politico-ն՝ հղում անելով աղբյուրներին։
Հրատարակության համաձայն՝ Մակրոնը եվրոպացի մյուս առաջնորդներին տեղեկացրել է բանակցությունների մասին շտապ հրավիրված կեսժամյա տեսակոնֆերանսի ժամանակ։ «[Մակրոնը] ասաց, որ Թրամփը օգնության վերաբերյալ որևէ հստակ խոստում չի տվել։ Այնպես որ, իսկապես, այս հարցում ռազմավարական երկիմաստությունը պահպանվում է», - ասել է եվրոպացի դիվանագետը, որը ցանկացել է անանուն մնալ:
Այցը «ժամանակի վատնում էր», գնահատել է եվրոպացի բարձրաստիճան պաշտոնյան։ Դիվանագետը նշել է, որ Եվրոպան այժմ «բավականին մենակ է» Ուկրաինայի համար երաշխիքների հարցում: