

Բաժանորդագրվեք araratnews-ի տելեգրամ ալիքին։
Ագնեսա Խամոյանը հարց ուղղեց վարչապետին, թե ինչ է անում ՀՀ-ն Ադրբեջանում պահվող գերիներին ազատելու ուղղությամբ՝ միաժամանակ ցուցադրելով Բաքվի բանտում պահվող, գերեվարված, Արցախի ռազմաքաղաքական ղեկավարների նկարները։
«Խաղաղության պայմանագրի» ստորագրման ուղղությամբ գործադրվող ջանքերը մեկն է այն գործողություններից, որը հայտարարություններից անդին կարող է և մեծ հավանականությամբ նպաստ կբերի ձեր ասած խնդրին և մյուս խնդիրների լուծմանը»,- պատասխանեց վարչապետ Փաշինյանը։
Սակայն ԱԺ նախագահ Ալեն Սիմոնյանին վրդովեցրեց, թե ինչու մնացած գերիների մասով պատգամավորը նման ելույթներ չէր ունենում. «Իսկ մնացածի ժամանակ խի՞ էս ելույթը չէիք ունենում։ 150 գերի ունեինք, էն ժամանակ ինչի չէիք ասում, կամ որ էդ նկարները ցույց եք տալիս, մնացած տղաների նկարները ինչի ցույց չեք տալիս»:
Այնուամենայնիվ, Փաշինյանը հավելեց, որ Մարդու իրավունքների միջազգային կոմիտեի նիստում հարցը լայնորեն արծարծվել է. «ՀՀ վարչապետի աշխատանքային պարտականությունն է կենտրոնանալ ոչ միայն մեկ անձի, այլև ՀՀ պետական շահերի և ՀՀ քաղաքացիների շահերի վրա»:
Մանրամասները՝ տեսանյութում