Բաժանորդագրվեք araratnews-ի  տելեգրամ ալիքին։

Դոնաթելլա Վերսաչեն գրեթե 30 տարի Versace-ում որպես կրեատիվ տնօրեն և 1978 թվականին իր եղբոր հիմնադրած լեյբլի գործիչ աշխատելուց հետո հայտարարել է, որ հեռանում է պաշտոնից, որպեսզի իրեն փոխարինի Դարիո Վիտալեն: 

Սա առանցքային շրջադարձ է բրենդի պատմության մեջ. այս աշնանը իր գոյության 47 տարիների ընթացքում առաջին անգամ պոդիումում կհայտնվի Versace-ի հագուստը, որը չի ստեղծվել Versace-ի ընտանիքից որևէ մեկի ղեկավարությամբ:

Araratnews.am-ի փոխանցմամբ՝ նորաձևության դիզայներն իր սոցիալական ցանցերում հաստատել է պաշտոնից հեռանալու լուրը։ «Ամենամեծ պատիվն էր շարունակել եղբորս՝ Ջանիի ժառանգությունը։ Նա իսկական հանճար էր, բայց հուսով եմ, որ ես իմ ներսում պահպանել եմ նրա ոգին և համառությունը: Ապրանքանիշի գլխավոր դեսպանի իմ նոր պաշտոնում ես կմնամ Versace-ի ամենակրքոտ երկրպագուն: Վերսաչեն իմ ԴՆԹ-ում է և ընդմիշտ իմ սրտում»,- գրել է նա։

69-ամյա Դոնաթելլա Վերսաչեն չի խզում կապերը ընտանեկան ապրանքանիշի հետ. նա կզբաղեցնի ապրանքանիշի գլխավոր դեսպանի պատվավոր պաշտոնը։ Հագուստի մեկ այլ ապրանքանիշի՝ Miu Miu-ի նախկին դիզայնի և իմիջի տնօրեն Դարիո Վիտալեն աշխատանքի կանցնի ապրիլի 1-ից։