Բաժանորդագրվեք araratnews-ի տելեգրամ ալիքին։
ՌԴ նախագահի մամուլի քարտուղար Դմիտրի Պեսկովը հայտարարել է, որ Ռուսաստանի Դաշնության և Հայաստանի հարաբերությունները չեն ընդհատվել և չեն կարող ընդհատվել։
Իրականում Ռուսաստանի և Հայաստանի հարաբերությունները չեն ընդհատվել, դրանք չեն կարող ընդհատվել: Հայաստանը մեզ համար բարեկամ երկիր է, ինքնիշխան պետություն է, մենք շատ ընդհանրություններ ունենք: Ե՛վ երկկողմանի, և՛ պատմական, և՛ մշակութային, և՛ Եվրասիական տնտեսական համայնքի նման կարևոր ինտեգրացիոն ասոցիացիային համատեղ մասնակցության առումով։
Այս մասին լրագրողներին ասել է Պեսկովը՝ մեկնաբանելով հայկական ԶԼՄ-ներում տարածված տեղեկությունները, թե ՀՀ վարչապետ Նիկոլ Փաշինյանը բոլոր պետական կառույցներին հանձնարարել է վերականգնել կապերը Ռուսաստանից իրենց գործընկերների հետ։
Ռուսաստանը Հայաստանին համարում է բարեկամ երկիր և մտադիր է էլ ավելի զարգացնել երկկողմ հարաբերությունները, ասել է նա լրագրողներին։