Բաժանորդագրվեք araratnews-ի տելեգրամ ալիքին։
Իրանի արտգործնախարար Աբբաս Արաղչին չինական CGTN հեռուստաալիքի հետ հարցազրույցում նշել է, որ Թեհրանը համաձայն չէ ԱՄՆ-ի հետ միջուկային բանակցությունների վերսկսմանը, քանի դեռ չի տեսնում Վաշինգտոնի կամքը՝ փոխշահավետ լուծման հասնելու համար:
«Մեր միջուկային ծրագիրը բացառապես խաղաղ նպատակների համար է, և մենք հարյուր տոկոսով վստահ ենք դրանում։ Մենք այդ վստահությունն ուրիշների հետ կիսելու խնդիր չունենք, բայց դա հնարավոր է միայն բանակցությունների միջոցով»,- նշել է դիվանագետը:
Արաղչին նաև նշել է, որ Թեհրանի և Թել Ավիվի միջև հրադադարի ռեժիմը մնում է ծայրահեղ անկայուն: Նրա խոսքով՝ 12-օրյա պատերազմը ցույց տվեց, որ Իրանի միջուկային ծրագրի շուրջ խնդիրները չեն կարող ուժով լուծվել, և Իսրայելը պետք է հրաժարվի ռազմական սցենարից:
Նախարարի խոսքով՝ Իրանը պատրաստ է վերադառնալ բանակցությունների սեղանի շուրջ միայն իր հանդեպ ռազմական սպառնալիքներից հրաժարվելու և հասցված վնասի փոխհատուցման դեպքում։