Բաժանորդագրվեք araratnews-ի տելեգրամ ալիքին։
Աֆղանստանում տեղի ունեցած 6,1 մագնիտուդ հզորությամբ երկրաշարժի հետևանքով զոհվել է 622 մարդ, վիրավորվել՝ ավելի քան 1500-ը. Araratnews.am-ի փոխանցմամբ՝ հաղորդում են Աֆղանստանի ներքին գործերի նախարարությունը և Աֆղանստանի ռադիոհեռուստատեսության պետական գործակալությունը (RTA)։
Երկրաշարժը տեղի է ունեցել գիշերը Հոստ քաղաքից 44 կմ հարավ-արևմուտք, որտեղ ապրում է ավելի քան 96 հազար մարդ, և զգացվել է Նուրգալ, Սոկկայ, Վատապուր, Մանոգի և Չապա Դարա շրջաններում, հաղորդում է հեռուստաալիքը։
Պաշտոնյաները զգուշացրել են, որ զոհերի և վիրավորների թիվը վերջնական չէ և կարող է աճել։ Հեռավոր շրջանների բնակիչների հետ կապ հաստատելու փորձերը դեռևս շարունակվում են։ Այս շրջաններում նույնպես փրկարարական աշխատանքներ են ընթանում։