Բաժանորդագրվեք araratnews-ի տելեգրամ ալիքին։
Ռուսաստանի աշխատանքի հիմնական առաջնահերթությունները Հարավային Կովկասի տարածաշրջանում խաղաղությունն ու համագործակցությունն են. դրանք երբեք չեն փոխվել։
Այս մասին հայտարարել է Ռուսաստանի արտաքին գործերի նախարար Սերգեյ Լավրովը՝ ելույթ ունենալով Մոսկվայի միջազգային հարաբերությունների պետական ինստիտուտի ուսանողների և դասախոսների առջև։
«Դրանք այսօր էլ նույնն են մնում», - ընդգծել է Ռուսաստանի արտաքին գործերի նախարարության ղեկավարը։
Լավրովը նշել է, որ Ռուսաստանը՝ ի դեմս Ռուսաստանի նախագահ Վլադիմիր Պուտինի, վճռորոշ դեր է խաղացել խաղաղության համաձայնագրի ձեռքբերման գործում՝ Ռուսաստանի, Հայաստանի և Ադրբեջանի ղեկավարների միջև «բազմաթիվ գիշերային հեռախոսազրույցների» միջոցով։
Լավրովը նաև նշել է, որ դրանից հետո տեղի է ունեցել եռակողմ գագաթնաժողովների մի ամբողջ շարք, որոնց ընթացքում համաձայնություն է ձեռք բերվել տնտեսական կապերի, տրանսպորտային ուղիների ապաշրջափակման վերաբերյալ։