Բաժանորդագրվեք araratnews-ի տելեգրամ ալիքին։
Ազգային ժողովի փոխնախագահ Ռուբեն Ռուբինյանը ԱԺ-ում իր ելույթի ժամանակ անդրադարձավ Հայ Յեղափոխական Դաշնակցությանը՝ նշելով, որ այդ ուժի գաղափարական ուղղությունը 20-րդ դարի կեսերից արմատապես փոխվել է։
Ռուբինյանի խոսքով՝ 50-60-ական թվականներից սկսած Դաշնակցության մեջ ձևավորվել է մի նոր մտածողության պարադիգմ, ըստ որի պայքարը անկախության համար փոխարինվել է հանձնման գաղափարով․
«Այդ ժամանակ Դաշնակցության ներսում որոշեցին, որ պետք չէ պայքարել անկախության համար, պետք է հանձնվել։ Պետական երազանքները փոխարինվեցին ազգայինով։ Դուք հակադրել եք ազգայինը պետականին, և դա ակնհայտ է ձեր գաղափարական դրոշակներում»,- ընդգծել է Ռուբինյանը։
Ռուբինյանի խոսքով՝ չկա ավելի մեծ այլասերվածություն, քան դաշնակցաբոլշևիկյան դաշինքն է, և այդ դաշինքից էլ ծնվում են Վարդանիկները։