Բաժանորդագրվեք araratnews-ի տելեգրամ ալիքին։
ԱՄՆ նախագահ Դոնալդ Թրամփը կարող է մոտ ժամանակներս քննարկել Պենտագոնի ղեկավար Փիթ Հեգսեթին փոխարինելու հարցը, եթե Իրանը հրաժարվի նահանջել, իսկ ԱՄՆ զինված ուժերը շարունակեն կորցնել ինքնաթիռներ։
Այս կարծիքը հայտնել է «Hürriyet»-ի սյունակագիրը՝ վերլուծելով ԱՄՆ զինված ուժերում վերջին հրաժարականները և Իրանի տարածքում խոցված F-15E կործանիչի նավիգատորի փրկարարական գործողությունը։
Նրա գնահատմամբ՝ Թրամփը գտնվում է աճող ճնշման տակ՝ Հորմուզի նեղուցում ստեղծված իրավիճակի և Իրանի կողմից խոցված ինքնաթիռի պատճառով։ Այս պայմաններում նա կարող է նաև ավելի կոշտ դիրքորոշում ընդունել ՆԱՏՕ-ի նկատմամբ՝ համարելով, որ դաշինքը իրեն չի աջակցում նեղուցում ստեղծված իրավիճակում։
«Նա կարող է նաև չեղարկել իր մասնակցությունը Անկարայում նախատեսված ՆԱՏՕ-ի գագաթնաժողովին կամ, առնվազն, հանդես գալ նման սպառնալիքներով»,- գրում է Չեքիրգենը։