Ավագ և Վահագ Հարությունյանները մանկուց երազել են զորակոչվելու և իրենց պարտքը տալ հայրենիքին։ Ահա լրացավ եղբայրների մեկ տարին, ինչ կատարում են իրենց պարտականությունները հայոց բանակում։ Այդ ընթացքում հասցրել են  քաջաբար կռվել արցախյան պատերազմում և հերոսաբար պաշտպանել հայրենիքը։ 

«Վահագը վարորդ էր, քնած է եղել  մեքենայում, երբ հրամանատարը արթնացրել ու ուղարկել է «բլինդաժ», որպեսզի այնտեղ  շարունակի հանգստանալ։ Մեքենայի մոտից հեռանալիս չի անցել անգամ երկու րոպե, երբ հակառակորդի ԱԹՍ-ն ոչնչացրել է մեքենան։ Որդիս հրաշքով է փրկվել» -հուզված պատմում է Վահագի մայրը՝ տիկին Հեղինեն։ 

Եղբայրները զույգ են, բայց նման չեն իրար թե՝ արտաքնապես, թե՝ բնավորության գծերով։ Ավագը ավելի զուսպ է, հանգիստ, շատ չի սիրում շփվել, խոսում է քիչ, իսկ Վահագը Ավագի հակապատկերն է։ 

Եղբայրներին տանը սպասում են 2 եղբայրները և 4 քույրերը։ 

 

Եղբայրներին մաղթում ենք անփորձանք ծառայություն և բարի վերադարձ ընտանիք։ 

 

Հեղինակ՝ Թագուհի Մանուկյան

1707