Հուլիսի 9-ից թափոնների կառավարման ոլորտի երկու վարչական գործընթաց իրականացվելու է բացառապես էլեկտրոնային եղանակով. ՇՄՆ

Բաժանորդագրվեք araratnews-ի տելեգրամ ալիքին։

ՇՄՆ-ն տնտեսվարողներին տեղեկացնում է, որ 2026 թվականի հուլիսի 9-ից թափոնների կառավարման ոլորտի երկու կարևոր վարչական գործընթաց իրականացվելու է բացառապես էլեկտրոնային եղանակով՝ https://nature.e-gov.am հարթակի միջոցով։

«Թվային ձևաչափով կիրականացվեն՝

Թափոնների գոյացման նորմատիվների և դրանց տեղադրման կամ պահպանման սահմանաքանակների նախագծերի հաստատումը (ՀՀ կառավարության 2005 թվականի դեկտեմբերի 29-ի N 2291-Ն որոշում),

Վտանգավոր թափոնների գործածության գործունեության լիցենզիայի և ներդիրների տրամադրումը (ՀՀ կառավարության 2003 թվականի հունվարի 30-ի N 121-Ն որոշում)։

Ինչո՞ւ է այս փոփոխությունը կարևոր

Թվային հարթակի ներդրումը կարևոր քայլ է թափոնների կառավարման համակարգի արդիականացման և ոլորտի առավել արդյունավետ կառավարման ուղղությամբ։

Տնտեսվարողների համար այն հնարավորություն է տալիս՝

բացառել թղթային փաստաթղթաշրջանառությունը,
խնայել ժամանակ և վարչարարական ռեսուրսներ,
ցանկացած պահի ստանալ և ներբեռնել հաստատված փաստաթղթերը՝ QR կոդով վավերացված տարբերակով։

Պետության և շրջակա միջավայրի համար այն ապահովում է՝

թափոնների շարժի առավել ամբողջական և թափանցիկ հաշվառում,
ապօրինի շրջանառության կանխարգելում,
թափոնների ոչ միայն տեղադրման, այլև ժամանակավոր պահպանման (պահեստավորման) նկատմամբ առավել արդյունավետ վերահսկողություն,
շրջակա միջավայրի աղտոտման ռիսկերի նվազեցում։

Կարևոր նորամուծություններ

Հայտերը կարող են ներկայացվել նաև լիազորված անձի միջոցով՝ կցելով լիազորագրի էլեկտրոնային պատճենը։
Վերացվել է փաստաթղթերի ձևանմուշներում կնիքի պարտադիր կիրառման պահանջը։

Խնդրում ենք 2026 թվականի հուլիսի 9-ից բոլոր հայտերը ներկայացնել բացառապես https://nature.e-gov.am էլեկտրոնային հարթակի միջոցով»,- նշված է հայտարարության մեջ։

08 Հուլիս, 2026 18:14

255

Հյուրանոցներում, հանգստյան գոտիներում և ժամանցի այլ վայրերում կիրականացվեն ստուգայցեր․ ՇՄՆ

14 Հուլիս, 2026 18:29

Հորդորում ենք զերծ մնալ գետեր, լճեր և այլ բնական ջրային միջավայրեր կենդանական տեսակներ ինքնակամ բաց թողնելուց․ ՇՄՆ

13 Հունիս, 2026 10:17

Երևանում օդի ջերմաստիճանը կնվազի մինչև -1°C․ ՇՄՆ

15 Ապրիլ, 2026 21:46

Քոլեջների ընդունելության էլեկտրոնային հայտագրումը մեկ շաբաթով երկարաձգվել է. ԿԳՄՍՆ

22 Հուլիս, 2026 12:50

«Էլեկտրոնային հաշվարկային փաստաթղթեր» (e-invoicing) համակարգն աշխատում է որոշակի խափանումներով. ՊԵԿ

21 Հուլիս, 2026 19:04