Բաժանորդագրվեք araratnews-ի տելեգրամ ալիքին։
Հայաստանի հավաքականի նախկին հարձակվող Յուրա Մովսիսյանը մեկնաբանել է ԱՄՆ-ի հավաքականի հարձակվող Ֆոլարին Բալոգունի՝ ԱԱ-2026-ի ընթացքում ստացած կարմիր քարտի չեղարկման շուրջ ստեղծված իրավիճակը։
Հիշեցնենք, որ ՖԻՖԱ-ի կարգապահական կոմիտեն չեղարկել էր Բալոգունի՝ մեկ խաղով որակազրկումը, որը նշանակվել էր աշխարհի առաջնության 1/16 եզրափակչում Բոսնիա և Հերցեգովինայի դեմ հանդիպման (2:0) ժամանակ կարմիր քարտի համար։ Ավելի ուշ ԱՄՆ նախագահ Դոնալդ Թրամփը հաստատել էր, որ այդ հարցով զրուցել է ՖԻՖԱ-ի նախագահ Ջաննի Ինֆանտինոյի հետ։ Արդյունքում Բալոգունը մասնակցել է Բելգիայի դեմ 1/8 եզրափակչի հանդիպմանը, որտեղ ԱՄՆ հավաքականը պարտվել է 1:4 հաշվով։
«Քաղաքականությունն ու ֆուտբոլը չպետք է խառնվեն։ Իսկ Թրամփը, բոլորն էլ տեսնում են, որ նա շատ հետաքրքիր մարդ է։ Կարող է ամեն ինչ ասել, նա խոսքերը չի զտում։ Ի՞նչ արձագանք ունեցա, երբ տեսա այդ լուրը։ Ծիծաղում էի, պարզապես շատ ծիծաղելի էր։ Կարծում եմ՝ Թրամփը շատ ծիծաղելի մարդ է։ Բայց երբ հետո Ինֆանտինոն ասաց, որ Թրամփն իրեն զանգահարել էր, արդեն ծիծաղելի չէր»,- ասել է Մովսիսյանը Fonbet-ի YouTube-յան ալիքի թողարկման ժամանակ։